• Рәсүлләр 5:21
    Изге Язмалар (Тәүрат, Зәбур, Инҗил)

    • 21 Рәсүлләр, моны ишеткәч, таң ату белән гыйбадәтханәгә кереп өйрәтә башлады.

      Ә баш рухани һәм аның белән килгән башкалар Югары киңәшмә җыйдылар, Исраи́л халкының аксакалларын чакырдылар һәм рәсүлләрне төрмәдән алып килергә куштылар.

  • Рәсүлләр. Аңлатмалар. 5 нче бүлек
    Изге Язмалар. Яңа дөнья тәрҗемәсе (өйрәнү басмасы)

    • 5:21

      Исраил халкының: Яки «исраиллеләрнең». Сүзгә-сүз «Исраил улларының». (Сүзлектән «Исраил» кара.)

      аксакалларын: Яки «аксакаллар советын». Монда кулланылган грек сүзе геруси́а Ях 3:4 тә очраган ге́рон (сүзгә-сүз «карт кеше») дигән төшенчә белән тамырдаш. Бу ике төшенчәнең һәрберсе Мәсихче Грек Язмаларында бер генә тапкыр очрый. Кайберәүләр «аксакаллар советы» сүзтезмәсе Югары киңәшмә сүзтезмәсенең синонимы дип саный; Югары киңәшмә — яһүдләрнең Иерусалимдагы югары суды — өлкән руханилар, канунчылар һәм аксакаллардан торган. (Лк 22:66 га аңлатманы кара.) Әмма бу контекстта «Югары киңәшмә» һәм Исраил халкының «аксакаллары», күрәсең, бер-берсен алмаштыра алмаган ике төшенчә булып тора. Бу «аксакалларның» кайберләре, бәлки, Югары киңәшмәнең рәсми әгъзалары булгандыр, ә башкалары анда киңәшче ролен үтәгәндер.