Беренче Елъязма
23 Картаеп, гомеренең ахыры якынлашкач, Давыт үз улы Сөләйманны Исраи́л өстеннән патша итеп куйды.+ 2 Аннары ул Исраилнең бөтен түрәләрен, руханиларны+ һәм ле́вилеләрне+ җыйды. 3 30 яшь һәм аннан олырак яшьтәге бөтен ле́вилеләр саналды,+ һәм аларның саны 38 000 кеше булды. 4 Шуларның 24 000 е Йәһвә йортында алып барылган эшләрне күзәтеп торучылар итеп, 6 000 е җитәкчеләр һәм хөкемчеләр итеп,+ 5 4000 е капка сакчылары итеп,+ ә калган 4 000 е уен коралларында уйнап Йәһвәне мактау өчен+ билгеләнде. Бу кораллар турында Давыт: «Мин аларны Аллаһыны мактар өчен ясадым»,— дигән иде.
6 Аннары Давыт аларны Ле́ви уллары Гирсә́н, Коһа́т һәм Мерари́+ токымнары буенча төркемләде.+ 7 Гирсәнлеләрдән Лада́н һәм Шимгы́й иде. 8 Ладанның токымнары: башчы Яһии́л, шулай ук Зәта́м һәм Йәи́л+ — барлыгы өчәү. 9 Шимгыйның токымнары: Шиламу́т, Хәзии́л һәм Хара́н — барлыгы өчәү. Алар Ладан йортының нәсел башлыклары иде. 10 Шимгыйның токымнары: Яхә́т, Зиза́х, Йәу́ш һәм Бәрия́х. Дүртесе дә Шимгыйның токымнары иделәр. 11 Яхәт — баш, ә Зизах икенче иде. Йәушнең һәм Бәрияхнең уллары аз булганлыктан, алар бер йорт булып исәпләнеп, бер нәрсә өчен җаваплы иде.
12 Коһатның уллары: Амра́м, Исһа́р,+ Хебру́н һәм Узии́л+ — барлыгы дүртәү. 13 Амрамның уллары Һарун+ белән Муса+ иде. Һарун һәм аның уллары* гомерлеккә Иң изге урынны изгеләндерү өчен сайланган иделәр.+ Алар Йәһвә алдында корбаннар китерергә, аңа хезмәт итәргә һәм һәрвакыт халыкка хәер-фатиха бирергә тиеш иде.+ 14 Аллаһы бәндәсе Мусаның токымнары исә ле́вилеләр кабиләсенә исемләп кертелгән иде. 15 Мусаның уллары Гирсә́м+ белән Илгазә́р+ иде. 16 Гирсәм токымнарыннан Шәбуи́л+ баш иде. 17 Илгазәр токымнарыннан* Рехаби́+ баш иде. Илгазәрнең бүтән уллары юк иде, ә Рехабинең уллары бик күп иде. 18 Исһар токымнарыннан+ Шелами́т+ башчы иде. 19 Хебрунның токымнары: башчы Ярия́, икенчесе — Әмәри́, өченчесе — Яхәзии́л һәм дүртенчесе — Якәма́м.+ 20 Узиилнең токымнары:+ башчы Мика́й, икенчесе — Ишши́.
21 Мерариның уллары Маһли́ белән Муши́ иде.+ Маһлиның уллары Илгаза́р белән Киш иде. 22 Илгазар бер угыл да тудырмыйча үлде. Аның кызлары гына бар иде. Шуңа күрә Кишның уллары — аларның туганнары — аларны хатынлыкка алды. 23 Мушиның уллары: Маһли, Әдә́р һәм Яраму́т — барлыгы өчәү.
24 Болар нәселләре буенча, нәсел башлыкларының исемлеге буенча искә алынган 20 яшь һәм аннан олырак яшьтәге Ле́ви токымнары иде. Алар исемнәре буенча теркәлеп, саналып исемлеккә кертелде һәм Йәһвә йортында үз хезмәтләрен башкарды. 25 Давыт болай дигән иде: «Исраил Аллаһысы Йәһвә үз халкына тынычлык бирде,+ ул Иерусалимда мәңге яшәячәк.+ 26 Һәм ле́вилеләргә изге чатырны күчереп йөртергә, гыйбадәттә кулланылган әйберләрне ташырга кирәк булмаячак».+ 27 Давытның соңгы күрсәтмәләре буенча, 20 яшь һәм аннан олырак яшьтәге Ле́ви токымнары исәпләнгән иде. 28 Алар Йәһвә йортында хезмәт иткән Һарун токымнарына ярдәм итү өчен+ ишегалларын карарга,+ аш бүлмәләре өчен җаваплы булырга, бөтен изге әйберләрне чистартып торырга һәм Аллаһы йортындагы башка төрле эшләрне үтәргә билгеләнгән иде. 29 Алар багышланган икмәкләр,*+ икмәк бүләге өчен иң яхшы он, төче көлчәләр,+ табада пешерелгән икмәкләр, май кушылган камыр+ әзерләргә һәм күләм-чаманы билгеләргә булыша иде. 30 Һәр иртә,+ һәр кич Йәһвәгә мактау, рәхмәт әйтү өчен, алар үз урыннарына килеп баса иде.+ 31 Алар Шимбә,+ яңа ай көннәрендә+ һәм бәйрәмнәрдә+ Йәһвәгә яндыру корбаннары китерелгән чакларда, Канунда язылганча эш итеп, булышлык күрсәтеп торды. Моны алар Йәһвә алдында даими рәвештә башкарды. 32 Өстәвенә, алар очрашу чатырындагы һәм изге урындагы хезмәткә бәйле вазифаларын үтәделәр һәм үз туганнары — Һарунның токымнарына ярдәм иттеләр. Шулай итеп алар Йәһвә йортындагы хезмәтне башкардылар.