1, 2. Яратылыш 2:3 тән җиденче көн турында нинди нәтиҗә ясап була, һәм нинди сораулар туа?

ЯРАТЫЛЫШ китабының беренче бүлегеннән без Аллаһының җирне кешеләргә яшәр өчен алты символик көн дәвамында әзерләгәнен беләбез. Һәр бу чорларның азагы: «Кич булды, иртә булды»,— дигән сүзләр белән тәмамлана (Ярат. 1:5, 8, 13, 19, 23, 31). Әмма җиденче көн турында Тәүратта болай диелә: «[Аллаһы] җиденче көнне... мөбарәк кылды. Аны мөбарәк бер көн итәрәк аерды. Чөнки Аллаһы, бөтен эшлисе, башкарасы эшләрен тәмамлап, ул көнне ял итте» (Ярат. 2:3).

² Игътибар итегез: бу шигырь «кич булды, иртә булды» дип тәмамланмый. Бу б. э. к. 1513 елны Муса Яратылыш китабын язганда җиденче көннең — Аллаһының ял итү көненең — әле тәмамланмаган булганын күрсәтә. Аллаһының ял көне әле дә дәвам итәме? Дәвам итсә, без анда керә алабызмы? Бу сорауларга җавап алу безнең өчен үтә мөһим.

5. Җиденче көннең максаты нинди, һәм кайчан бу максат тулысынча тормышка ашырылачак?

⁵ Бу сорауга җавап алыр өчен, без җиденче көннең максатын искә төшерергә тиеш. Яратылыш 2:3 тә бу болай дип аңлатыла: «[Аллаһы] җиденче көнне... мөбарәк кылды. Аны мөбарәк бер көн итәрәк аерды». Йәһвә, үз ниятен ахырына кадәр үтәр өчен, җиденче көнне мөбарәк, изге, кылган, ягъни аны аерып куйган. Аллаһының җиргә карата бу нияте буенча, бөтен җир тыңлаучан ир-атлар һәм хатын-кызлар белән тулырга һәм алар җир турында кайгыртып, анда яшәргә тиеш булган (Ярат. 1:28). Бу ниятне тормышка ашырырга дип, Йәһвә Аллаһы да һәм «шимбә көненең Хуҗасы» Гайсә Мәсих тә «әле дә эшли» (Мат. 12:8). Аллаһының ял итү көне аның нияте Мәсихнең Меңьеллык идарә итүе азагында тулысынча тормышка ашканчы дәвам итәчәк.