ИЛИША НӘРСӘ КҮРГӘН?

Аллаһы Илишаның үтенечен үтәгәнме? Изге Язмалар буенча, «алар [Ильяс белән Илиша] икәү сөйләшеп барганда, кинәт кенә ялкынланып торган сугыш арбасы белән атлар пәйда булган һәм аларны бер-берсеннән аерган, һәм Ильяс купкан өермәдә күккә менгән. Ә Илиша моны күреп торган»a. Менә шундый җавап Йәһвә Илишага кайтарган. Әйе, Илиша Ильясның үзеннән алынып китеп барганын күргән. Нәтиҗәдә, ул Ильяста булган рухның икеләтә өлешен алган һәм аңа алмашка килеп пәйгамбәр булып хезмәт итә башлаган (4 Пат. 2:11—14).

Илиша, һичшиксез, Ильясның купкан өермәдә күккә күтәрелгәнен һәрвакыт истә тоткан. Ялкынланып торган сугыш арбасы белән атларны күреп, кем гаҗәпләнми калыр инде?! Боларның барысын күреп, Илиша Йәһвәнең аның үтенечен үтәгәненә инанган. Бүген без догаларыбызга күренештә ялкынланып торган сугыш арбасы белән атларны күреп җавап алмыйбыз. Ләкин без Аллаһының үз ихтыярын үтәячәгенә дәлил булып торган кодрәтле эшләрен күреп торабыз. Йәһвәнең үз оешмасының җирдәге өлешен фатихалаганын күзәткәндә, без, асылда, гаять зур арбаның алга барганын «күреп» торабыз (Йәз. 10:9—13).