Изге Язмалар — Аллаһыдан иңдерелгән хәбәр

Йәһвә безгә искиткеч бүләк биргән. Бу — Изге Язмалар китабы. Ул 66 кечкенә китаптан тора. Ләкин сез гаҗәпләнәсездер: «Изге Язмалар ничек язылган булган? Бу китапның авторы кем?» Бу сорауларга җавапны сез шушы дәрестән табарсыз.

1. Изге Язмаларны кешеләр язган икән, ничек аның Авторы Аллаһы була ала?

Изге Язмаларны якынча 40 кеше һәм якынча 1 600 ел дәвамында (б. э. к. 1513 — б. э. 98) язган. Бу язучыларның чыгышлары төрле булган. Шулай да Изге Язмаларның өлешләре бер-берсенә каршы килми. Бу ничек мөмкин? Чөнки Изге Язмаларның Авторы — Аллаһы. (1 Тисалуникәлеләргә 2:13 укы.) Бу язучылар үз фикерләрен язмаган. Алар «Аллаһы иңдергәнне изге рухa җитәкчелегендә сөйләгән» (2 Петер 1:21). Аллаһы, изге рухын кулланып, кешеләргә үз фикерләрен белдерткән һәм аларны бу фикерләрне язып куярга рухландырган (2 Тимутигә 3:16).

2. Изге Язмалардан кем файда ала ала?

Һәр милләт, кабилә һәм халык Изге Язмалардагы яхшы хәбәрдән файда ала ала. (Ачылыш 14:6 укы.) Аллаһы Изге Язмаларның күп телләргә тәрҗемә ителүе турында кайгырткан. Бүтән андый китап юк. Бүген һәркем диярлек, ул кайда гына яшәмәсен һәм нинди генә телдә сөйләшмәсен, Изге Язмаларны укый ала.

3. Йәһвә Изге Язмаларны ничек саклаган?

Изге Язмалар, күн һәм папирус кебек, тиз бозыла торган материалларда язылган булган. Ләкин Аллаһы Сүзен яраткан кешеләр аны җентекләп күчереп язган һәм алардан тагын күчермәләр ясаган. Хакимлеккә ия кешеләр Изге Язмаларны юк итәргә тырышса да, башкалар аны саклап калыр өчен үз тормышларын куркыныч астына куйган. Йәһвә беркемгә дә һәм бернәрсәгә дә үз Сүзе аша кешеләр белән аралашуына комачауларга юл куймаган. Изге Язмаларда әйтелә: «Аллаһыбызның сүзе мәңге тора» (Ишагыя 40:8).

ТИРӘНРӘК КАЗЫГЫЗ

4. Изге Язмаларның үзендә аның Авторы турында әйтелә

ВИДЕОРОЛИК карагыз. Аннан соң 2 Тимутигә 3:16 ны укыгыз һәм сорауларга җавап бирегез.

ВИДЕОРОЛИК: «Изге Язмаларның Авторы кем? (Өзек)» (2:48)

• Изге Язмаларны кешеләр язган икән, ни өчен ул Аллаһы Сүзе дип атала?

• Сезнеңчә, Аллаһы кешеләргә үз фикерләрен җиткерә алган дип уйлау акыллымы?

5. Изге Язмалар сакланып калган

ВИДЕОРОЛИК: «Алар Изге Язмаларны кадерләгән. Уильям Тиндал турында өзек» (6:17)

• Изге Язмаларны саклап калыр өчен, бик күп тырышлыклар куелган. Моны белгәч, бу китапны укырга теләгегез тумадымы? Аңлатыгыз.

Зәбур 119:97 не укыгыз һәм җавап бирегез:

• Ни өчен күп кешеләр, Изге Язмаларны тәрҗемә итәр өчен һәм таратыр өчен, тормышларын куркыныч астына куйган?

6. Барлык кешеләр өчен китап

Изге Язмалар — тарихта иң күп телләргә тәрҗемә ителгән һәм иң киң таралган китап. Рәсүлләр 10:34, 35 не укыгыз һәм җавап бирегез:

• Ни өчен Аллаһы үз Сүзенең шулкадәр күп телләргә тәрҗемә ителүен һәм шулкадәр киң таралуын тели?

• Изге Язмалар турындагы нинди мәгълүмат сезгә аеруча ошады?

ЙОМГАКЛАУ

Изге Язмалар — Аллаһының Сүзе, һәм ул бөтен кешеләрнең аны укый алуы турында кайгырткан.

Кабатлау

• Аллаһы кешеләрне Изге Язмаларны язарга рухландырган дип әйткәндә, без нәрсәне күздә тотабыз?

• Изге Язмаларның сакланып калуы, тәрҗемә ителүе һәм таралуы турындагы нинди мәгълүмат сезне гаҗәпләндерә?

• Аллаһының, үзегез белән аралашу өчен, шулкадәр күп тырышлыклар куйганы сезгә ничек тәэсир итә?

ӨСТӘМӘ МАТЕРИАЛ

Изге Язмаларның борынгы кулъязмаларыннан алып бүгенге тәрҗемәләренә кадәрге тарихын укыгыз.

«Изге Язмалар безнең көннәргә кадәр ничек килеп җиткән?» («Уяныгыз!» 2007 ел, ноябрь)

Өч зур куркынычка карамастан, Изге Язмаларның ничек сакланып калганы турында белегез.

«Изге Язмалар ничек сакланып калган?» («Күзәтү манарасы» 2016 ел, № 4)

Кешеләр, Изге Язмаларны тәрҗемә итәр өчен, үзләрен нинди куркыныч астына куйган икәнен белегез.

«Алар Изге Язмаларны кадерләгән» (14:26)

Изге Язмаларны күп тапкырлар күчереп язганнар һәм тәрҗемә иткәннәр. Бу китапның хәбәре төгәл сакланып калган икәненә нинди дәлилләр бар?

«Изге Язмаларны үзгәрткәннәрме я анда нәрсәдер өстәгәннәрме?» (Интернет мәкалә)