5. Башка төскә кертелүне үз сүзләрең белән аңлатып күрсәт.

⁵ Мәсихнең башка төскә кертелүендә пәйгамбәрлек әһәмияте булган. Гайсә: «Чөнки, Адәм Улы Атасының даны һәм үзенең фәрештәләре белән киләчәк... Сезгә турысын әйтәм: монда торучыларның кайберләре Адәм Улының үз Патшалыгында килгәнен күрмичә үлемне татымаячаклар»,— дип әйткән (Матфей 16:27, 28). Чыннан да рәсүлләрнең берәрсе Гайсәнең «Үз Патшалыгында килгәнен» күргәнме соң? Матфей 17:1—7 дә: «Алты көн үткәч Гайса Петрны, Якупны һәм аның энесе Яхъяны Үзе белән алып, аулак кына биек тау башына менде, һәм алар алдында башка төскә кертелде»,— дип әйтелә. Нинди искиткеч вакыйга! «Аның йөзе кояш кебек балкыды, киемнәре исә яктылык кебек ап-ак булды. Менә шунда аларга Муса белән Ильяс күренде, алар Аның белән сөйләштеләр». Моннан тыш, «аларны якты болыт каплап алды» һәм алар Алланың: «Бу Минем Сөекле Улым, Мин аның белән ризамын; Аның сүзен тыңлагыз»,— дигән авазын ишеткәннәр. «Һәм шәкертләр, моны ишеткәч, йөзтүбән егылдылар һәм бик курыктылар. Әмма Гайса килеп аларга кагылды һәм: „Торыгыз, курыкмагыз“,— диде».

7. Башка төскә кертелү Питер хәтерендә әле дә исән булганы нәрсәдән күренә?

⁷ Гайсәнең башка төскә кертелүе мәсихчеләр җыелышының эшчәнлеген җитәкләргә тиеш булган, өч рәсүлнең ышануын ныгытырга ярдәм иткән. Гайсәнең яктырып торган йөзе, аның балкып торган ап-ак киемнәре, ул аның яраткан улы һәм алар аны тыңларга тиеш дигән Йәһвәнең тавышы — болар барысы да шул бирелгән күренешнең максаты өчен яхшырак хезмәт иткән. Шулай да рәсүлләр бу вакыйга турында Гайсәнең үлгән җиреннән терелеп торуына кадәр беркемгә дә сөйләмәскә тиеш булганнар. Башка төскә кертелүнең күренеше Питерның хәтерендә, 32 елга якын вакыт үткәч тә, әле дә исән булган. Ул аның әһәмиятлегенә игътибар итеп: «Без сезгә, уйлап чыгарган хәйләкәрле мәсәлләр буенча түгел, ләкин Аның бөеклеген күрүчеләр булып, без Раббиның Гайсә Мәсихнең көче һәм барлыгы турында сөйләдек. Чөнки искиткеч дан аңа: «Бу, мин яклый торган, улым минем, яратканым минем»,— дигән сүзләрне алып килгәч, ул Ата-Алладан ихтирам һәм дан алган. Әйе, без, аның белән изге тауда булганда, күктән килгән бу сүзләрне ишеттек»,— дигәннәрне язган (2 Питер 1:16—18, ЯД).