«Канун һәм пәйгамбәрләр язмалары Яхъяга кадәр игълан ителгән. Ә аңардан башлап Аллаһы Патшалыгы хакындагы яхшы хәбәр таратыла, һәм һәркайсы кеше анда бар көчен куеп керергә тырыша. Әйе, җир һәм күк юкка чыгар, әмма Канунның кечкенә хәрефенең бер генә сызыгы да үтәлми калмас» (Лүк 3:18; 16:16, 17). Ни өчен Гайсәнең сүзләреннән үзгәреш булачак дигән нәтиҗәгә килеп була?

Әйе, Муса кануны үтәлми калмас. Чөнки ул инде Мәсихкә алып килгән. Өстәвенә, тиздән аны үтәү кирәк булмас. Мәсәлән, Канун төрле сәбәпләр аркасында аерылышырга рөхсәт иткән, ләкин Гайсә хәзер болай ди: «Хатыныннан аерылып, башкасына өйләнүче һәркем зина кыла, һәм иреннән аерылган хатынга өйләнүче дә зина кыла» (Лүк 16:18). Андый сүзләр тормышның бар өлкәләрендә кагыйдәләр уйлап чыгаручы фарисейларны бик ярсытадыр!