Паул мәсихче тәгълиматлар ялганга нигезләнгән дип санамаган. Ул, Гайсәнең үледән терелтелгәнен белеп, көринтлеләргә дәлилләр китергән: «Мәсих, Язмаларда язылганча, безнең гөнаһларыбыз өчен үлгән; җирләнгән булган һәм, Язмаларда әйтелгәнчә, өченче көнне үледән терелеп торган; ул Кифаска, соңрак уникеb рәсүлгә күренгән». Аннары Паул болай дип өстәгән: «Шуннан соң берьюлы биш йөздән артык кардәшкә күренгән. Аларның күбесе әле дә исән-сау, ә кайберләре үлем йокысына талган. Аннан соң ул Ягъкубка, соңрак барлык рәсүлләргә күренгән. Ә инде миңа, җитлекми туган балага сыман, иң ахырда күренде» (1 Көринтлеләргә 15:3—8).