«Сүзегез һәрвакыт... тоз белән тәмләтелгән булсын»
1. «Тоз белән тәмләтелгән» сүзләр нәрсә аңлата?
1 «Һәркемгә ничек җавап бирергә кирәклеген белегез, сүзегез һәрвакыт ягымлы, мавыктыргыч һәм төпле [«тоз белән тәмләтелгән», ЯД]» булсын» (Көл. 4:6). Тоз белән тәмләткән сүзләр — бу дөрес сайланган сүзләр һәм андый сүзләрне тыңлау рәхәт. Бу вәгазьдә бик мөһим.
2. Гайсәгә самареяле хатын-кызга шаһитлек бирергә нәрсә булышкан?
2 Гайсә калдырган үрнәк. Кое янында ял иткәндә Гайсә су алырга килгән хатын-кыз белән беренче булып сөйләшә башлый. Сөйләшкәндә хатын-кыз яһүдләр белән самареялеләр арасында озак вакыт яшәп барган дошманлык турында берничә тапкыр әйтә. Ул самареялеләр Ягъкуб токымыннан булуына ышанганын күрсәтә, ә яһүдләр самареялеләр башка халыклардан барлыкка килгән дип санаган. Гайсә бу хатын-кызга дөрес әйтмисең дип каршы чыкмаган, ул уңай караш белән сөйләшүне алып барган. Нәтиҗәдә, ул бу хатын-кызга һәм шәһәр кешеләренә файда китергән шаһитлек бирә алган (Яхъ. 4:7—15, 39).
3. Вәгазьләгәндә Гайсә үрнәген ничек тотарга?
3 Вәгазьләгәндә без үз вазифабызны — «Яхшы хәбәр китерүчеләр» булуыбызны истә тотарга тиеш (Рим. 10:15). Кешегә, аны рәнҗетмичә, Изге Язмалардан яхшы һәм файдалы фикерләрне күрсәтергә һәм аның карашларын хөрмәт итәргә кирәк. Ул дөрес булмаган карашта торса да, аны шунда ук төзәтергә кирәкми. Аның әйткән сүзләрендә ризалашырлык яки эчкерсез мактар өчен фикерләр юкмы? Изге Язмалар шигырен күрсәтер алдыннан: «Сез мондый мөмкинлек турында уйланганыгыз бармы?» — дип сорый алабыз.
4. Ишек ачкан кеше үзен тупас тотса, нәрсә эшләргә?
4 Ә кеше безнең белән тупас сөйләшсә яки аның максаты нибары бәхәсләшү генә булса? Без юаш булырга һәм үзебезне тыныч тотарга тиеш, сүзләребездә дә бу күренсен (2 Тим. 2:24, 25). Кеше Патшалык хәбәренә кызыксыну күрсәтмәсә, ул чакта сөйләшүне әдәпле генә тәмамлап була (Мат. 7:6; 10:11—14).
5. Бер кардәшнең йомшак җавабы нинди яхшы нәтиҗәләргә китергән?
5 Яхшы нәтиҗәләр. Бер апа-кардәш үз күршесенә вәгазьләп караган, әмма тегесе кычкыра һәм сүгенә башлаган. Кардәшебез тыныч кына болай дигән: «Алай уйлавыгыз кызганыч. Сау булыгыз». Ике атна үткәннән соң күршесе апа-кардәшнең ишегенә шакыган, үз тәртибе өчен гафу үтенгән һәм апа-кардәшнең нәрсә әйтәсе килгәнен тыңларга теләгән. Йомшак җавап кайвакыт яхшы нәтиҗәләргә китерә! (Гыйб. сүз. 15:1; 25:15).
6. Ни өчен вәгазьдә сүзләребезнең тоз белән тәмләтелгән булуы кирәк?
6 Яхшы хәбәрне вәгазьләгәндә сүзләрең тоз белән тәмләтелгән булсын. Кеше бу очракта тыңларга теләмәсә дә, ул, бәлки, Йәһвә Шаһитләре икенче тапкыр килгәч тыңлар.