«Күзгә күренгән нәрсәләр белән түгел, иман белән йөрегез»
Иерусалим камап алынганчы һәм нәтиҗәдә җимерелгәнче, рәсүл Паул моның турында язган: Мәсихнең яхшы гаскәриләре буларак, мәсихчеләр авырлыкларны көтәргә һәм яхшы тормыш шартлары белән үз теләкләрен арткы планга куярга тиеш (2 Тим. 2:3, 4). Аллаһыга табынмый торган бу дөньяга афәт килгәнче, безгә игътибарыбызны рухи нәрсәләргә туплар өчен нык иман кирәк (2 Көр. 4:18; 5:7). «Күзгә күренгән нәрсәләр белән түгел, иман белән йөрегез» (рус) дигән фильм карап, матди нәрсәләргә чамадан тыш бәйле булу Наһам белән Абитә өчен ничек үлем тозагы булып киткәненә игътибар итегез. Аннары киләсе сорауларга җавап бирегез.
1) Беренче гасырда изге урында торган «җирәнгеч нәрсә» нәрсә булып торган, һәм Иерусалимда яшәгән мәсихчеләргә нәрсәне тәвәккәллек белән эшләргә кирәк булган? (Мат. 24:15, 16) 2) Шәһәрдән качар өчен, ни өчен иман кирәк булган? 3) Качар өчен нәрсәдән баш тартырга кирәк булган? 4) Ни сәбәпле Наһам белән Абитә тоткарланып калган? (Мат. 24:17, 18) 5) Иерусалимнан киткәндә, Рәхилә тагын нинди иман сынавы белән очрашкан? (Мат. 10:34—37; Марк 10:29, 30) 6) Итан Йәһвәгә иманын һәм таянганын ничек күрсәткән? 7) Мәсихчеләр Пелла шәһәрендә нинди авырлыклар кичергән? 8) Наһам белән Абитәнең иманнары ничек акрын гына сүрелә барган? 9) Йәһвә Пеллада яшәгән мәсихчеләрне ничек кайгырткан? (Мат. 6:33; 1 Тим. 6:6—8) 10) Бу дөнья төзелеше юк ителер алдыннан, без Ибраһим белән Сараның иманнарыннан ничек үрнәк ала алабыз? (Евр. 11:8—10) 11) Наһам белән Абитә кире Иерусалимга кайтырга кирәк дигән нәтиҗәгә ничек килгән, һәм ни өчен аларның шундый фикер йөртүләре ялгыш булган? (Лүк 21:21) 12) Наһам белән Абитә Иерусалимга кире кайткач, андагы тормыш чынында нинди булган? 13) Ни өчен без инде бүген — бу дөнья төзелеше үз ахырына килгәнче, иманыбызны ныгытырга тиеш? (Лүк 17:31, 32; 21:34—36)
Иман буенча йөрү — 1) Йәһвә җитәкчелегенә ышану, 2) аның җитәкчелеге буенча эш итү һәм 3) матди әйберләрне түгел, ә рухи нәрсәләрне кадерләвебезне күрсәтү ул. «Дөнья да, аның нәфесләре дә үтеп китә, ә Аллаһы ихтыярын үтәүче мәңге яшәячәк» икәненә ышанып, әйдәгез, иман буенча йөрергә тагы да тәвәккәл булыйк (1 Яхъя 2:17).