Патшалыкның нормалары. Аллаһының тәкъвалыгын беренче урынга куеп яшибез

СЕЗ күршегез яныннан үтеп барганда, аңа кул болгап аласыз. Соңгы вакыт ул сезне һәм гаиләгезне күзәтеп тора. Ул да сезгә кул болгый һәм сезне чакырып ала да болай дип сорый: «Сездән сорасам буламы? Сез башкалардан бик аерылып торасыз. Моның сәбәбе нәрсәдә?» «Сезнең нәрсә әйтәсегез килә?» — дип сорыйсыз сез. «Сез Йәһвә Шаһитләре, шулай бит? — дип сорау бирә ул.— Сез башкалар кебек түгел. Сез, башка диннәрдән аермалы буларак, бәйрәмнәрне үткәрмисез, сәяси эшләрдә һәм сугышларда катнашмыйсыз. Сез тәмәке тартмыйсыз, гаиләләрегез югары әхлакый нормалар буенча яши. Нәрсә ярдәмендә сез башкалардан шулкадәр нык аерылып торасыз?»

Бу сорауга җавап гади: без — Аллаһы Патшалыгының гражданнары. Патша буларак, Гайсә безне сафландырып тора. Ул безгә аның эзләре буенча барырга һәм шулай итеп бу бозык дөньядан читтә торырга ярдәм итә. Бу кисәкне карап чыкканда без шуны белербез: Мәсих җитәкчелегендәге Патшалык Аллаһы халкын рухи, әхлакый яктан сафландыра һәм оештыру ягыннан кирәкле үзгәрешләр ясый. Ә бу Йәһвәгә дан китерә.