«Изге Язмаларны һәр көн тикшерү» брошюрасыннан файда табыгыз

Сез «Изге Язмаларны һәр көн тикшерү» брошюрасыннан Изге Язмалардагы шигырьне һәм комментарийны көн саен укыйсызмы? Юк икән, сез моны көндәлек графигыгызның өлеше итә аласызмы? Күпләр көндәлек текстны иртән укый. Шулай итеп алар укылган фикерләр турында көн дәвамында уйлана ала (Йш 1:8; Зб 119:97). Көндәлек Изге Язмаларның текстыннан ничек күбрәк файда табып була? Бу шигырьнең контекстын укып чыгыгыз. Шигырьдәге принцип турында уйланыгыз. Ничек аны тормышыгызда кулланып була? Аллаһы Сүзе карарларыгызга тәэсир итсә, сез хак юлдан барырсыз һәм чын файда алырсыз (Зб 119:105).

Бөтен дөнья буенча Бәйтел гаиләсе иртән «Изге Язмаларны һәр көн тикшерү» брошюрасын карап чыга. Соңгы елларда күп кенә андый программаларны телевидениебездә, ВАКЫЙГАЛАР ҺӘМ ПРОГРАММАЛАР вкладкасында табып була. Аларның берсен я берничәсен соңгы тапкыр кайчан караганыгыз булды? Бәлки, анда әйтелгәннәр сезгә нәкъ хәзер бик кирәктер. Мәсәлән, Лут турындагы хикәя карарларыгызга ничек тәэсир итә ала?

«ДӨНЬЯНЫ ЯРАТМАГЫЗ (1ЯХ 2:15)» ДИГӘН ВИДЕОРОЛИКНЫ КАРАП, МОНДЫЙ СОРАУЛАРГА ҖАВАП БИРЕГЕЗ:

• Бу иртәнге гыйбадәт кылу программасы Изге Язмаларның кайсы принцибына нигезләнгән?

• Лут турындагы хәбәрдән дөньяны һәм дөньядагы нәрсәләрне яратуның куркыныч булуы ничек күренә? (Яр 13:12; 14:12; 19:3, 12, 13, 24—26)

• Без дөньяны һәм дөньядагы нәрсәләрне түгел, ә Йәһвәне яратуыбызны ничек күрсәтә алабыз?