Күзәтү манарасының ОНЛАЙН-КИТАПХАНӘСЕ
Күзәтү манарасының
ОНЛАЙН-КИТАПХАНӘСЕ
татар
ә
  • ә
  • җ
  • ң
  • ө
  • ү
  • һ
  • ИЗГЕ ЯЗМАЛАР
  • БАСМАЛАР
  • ОЧРАШУЛАР
  • Киләсе алты җәза
    Изге Язмалар хикәяләреннән өйрәнәбез
    • Кигәвен өерләре

      ЕГЕРМЕНЧЕ ХИКӘЯ

      Киләсе алты җәза

      Муса белән Һару́н фиргавенгә́ Аллаһыдан мондый хәбәр җиткергән: «Халкымны җибәрмәсәң, җир кигәвеннәр белән тулыр». Фиргаве́н тыңламаганга, кигәвен өерләре бөтен мисырлыларны́ң — бай һәм ярлы кешеләрнең йортларына ябырылган. Бөтен җир кигәвеннәр белән тулган. Әмма исраиллелә́р яшәгән Гөше́н җирендә кигәвеннәр булмаган. Шушы дүртенче җәзадан башлап җәзалардан мисырлыла́р гына зыян күргән. Фиргаве́н болай дип үтенгән: «Зинһар, Йәһвәдән сорагыз: бу кигәвеннәрне бетерсен. Мин халкыгызны җибәрермен». Әмма, Йәһвә кигәвеннәрне бетергәч, фиргаве́н карарын үзгәрткән. Фиргаве́н кайчан да булса сабак алырмы, юкмы?

      Йәһвә әйткән: «Фиргаве́н халкымны җибәрмәсә, мисырлыларны́ң малы чирдән үләр». Киләсе көнне хайваннар үлә башлаган. Исраиллеләрне́ң малы исә үлмәгән. Шулай да горур фиргавенне́ң һаман да ризалыгын бирәсе килмәгән.

      Йәһвә Мусага, фиргаве́н янына барып, көлне һавага очыртырга кушкан. Көл, тузанга әверелеп, бөтен җирне тутырган һәм бар мисырлыла́р өстенә кунган. Аның аркасында мисырлыларны́ң һәм хайваннарының тәннәренә авыртулы шешләр чыккан. Моңа карамастан, фиргаве́н исраиллеләрне́ җибәрергә теләмәгән.

      Мисырдагы 4 — 6 нчы җәзалар: кигәвеннәр; малның чирләп үлүе; авыртулы шешләр

      Йәһвә, Мусаны кабат фиргаве́н янына җибәреп, мондый хәбәр җиткергән: «Син әле дә халкымны җибәрмисеңме? Иртәгә җиргә боз явачак». Киләсе көнне Йәһвә боз яудырган, күк күкрәткән һәм күктән ут төшергән. Бу Мисырда́ иң һәлакәтле давыл булган. Боз Мисы́р җирендәге бөтен агачларны һәм игеннәрне сындырган. Гөше́н җире генә зыян күрмәгән. Шунда фиргаве́н болай дигән: «Йәһвәдән үтенегез: җәзаны туктатсын! Мин сезне җибәрермен». Ләкин, боз һәм яңгыр туктагач, фиргаве́н үз карарын үзгәрткән.

      Шуннан соң Муса: «Боз яуганнан соң калган үсемлекләрне саранчалар ашап бетерер»,— дигән. Шулчак миллионлаган саранча кырда һәм агачларда калган бөтен нәрсәне ашап бетергән. Фиргаве́н кабат үтенгән: «Зинһар, Йәһвәдән сорагыз: саранчаларны бетерсен». Тик, Йәһвә саранчаларны бетерсә дә, фиргаве́н үзсүзле булып калган.

      Аннары Йәһвә Мусага: «Кулыңны күккә таба суз»,— дигән. Шулчак Мисы́р җирендә караңгы булып киткән. Өч көн буе мисырлыла́р бернәрсәне дә, беркемне дә күрә алмаган. Яктылык исраиллелә́р яшәгән җирдә генә булган.

      Мисырдагы 7 — 9 нчы җәзалар: боз явуы; саранча; караңгылык

      Фиргаве́н Мусага: «Мин сине һәм халкыңны җибәрәм,— дигән.— Малларыгызны гына монда калдырыгыз». Әмма Муса әйткән: «Безгә малларыбыз кирәк. Без Аллаһыбызга корбаннар китерергә тиеш». Шунда фиргаве́н бик нык ярсып: «Күземнән югал! Сине тагын күрсәм, үтерәм»,— дип янаган.

      «Сез тәкъва һәм явыз кеше арасындагы аерманы, Аллаһыга хезмәт итүче һәм аңа хезмәт итмәүче кеше арасындагы аерманы кабат күрерсез» (Малахи 3:18)

      Сораулар: Йәһвә тагын нинди җәзалар җибәргән? Алар беренче өч җәзадан нәрсә белән аерылып торган?

      Чыгыш 8:20—10:29

  • Унынчы җәза
    Изге Язмалар хикәяләреннән өйрәнәбез
    • Исраилле кешесе ишек яңакларын кан белән буйый

      ЕГЕРМЕ БЕРЕНЧЕ ХИКӘЯ

      Унынчы җәза

      Муса фиргавенгә́ бүтән аның күзенә күренмәячәк дип вәгъдә иткән. Әмма китәр алдыннан Муса аңа болай дигән: «Бүген төн уртасында фиргавенне́ң улыннан алып кол улларына кадәр — Мисырда́ беренче туган һәр ир бала үләчәк».

      Йәһвә, исраиллеләргә́ махсус ризык пешерергә кушып, болай дигән: «Бер яшьлек сарык я кәҗә тәкәсен суегыз һәм аның канын ишек яңакларына сибегез. Итен кыздырып, ачыткысыз икмәк белән ашагыз. Киенеп һәм аякларыгызга сандал киеп, юлга чыгарга әзер торыгыз. Шушы төнне мин сезне азат итәрмен». Исраиллеләрне́ң никадәр дулкынланганын күз алдына китерә аласыңмы?

      Төн уртасында Йәһвәнең фәрештәсе Мисырдагы́ һәрбер йортка килеп киткән. Йорт ишегенең яңагы кан белән билгеләнгән булмаса, бу йортта беренче туган угыл үлгән. Әмма кан белән билгеләнгән һәрбер йортны фәрештә үтеп киткән. Мисырлыларны́ң бөтен гаиләләре — байлары да, ярлылары да — берәр баласын югалткан. Ә исраиллеләрне́ң бер баласы да үлмәгән.

      Хәтта фиргавенне́ң улы да үлгән. Фиргаве́н бүтән түзә алмаган. Ул шунда ук Муса белән Һарунга́ болай дигән: «Барыгыз, моннан чыгып китегез, үз Ходаегызга табыныгыз. Малларыгызны да алыгыз!»

      Тулы ай яктысында исраиллелә́р, гаиләләргә һәм төркемнәргә бүленешеп, Мисырда́н чыкканнар. Хатын-кызларны һәм балаларны исәпкә алмаганда, исраиллеләрне́ң саны 600 000 булган. Йәһвәгә табыныр өчен, аларга күп кенә башка кешеләр дә кушылган. Ниһаять, исраиллелә́р азат булган!

      Йәһвәнең үзләрен коткарганын истә тотар өчен, алар бу махсус ризыкны һәр ел пешерергә тиеш булган. Бу Паса́х бәйрәме дип аталган. Бу сүз «үтеп китү» дигәнне аңлата.

      Исраиллеләр Мисырдан чыга

      «Аллаһы фиргавенгә болай ди: „Синең аша үз кодрәтемне күрсәтер өчен һәм минем исемем бөтен җир буйлап игълан ителсен өчен, мин сиңа исән калырга рөхсәт иттем“» (Римлыларга 9:17)

      Сораулар: унынчы җәза нинди булган? Бу җәзадан котылыр өчен, исраиллелә́р нәрсә эшләргә тиеш булган?

      Чыгыш 11:1—12:42; 13:3—10

Татар телендә басмалар (1993—2025)
Чыгу
Керү
  • татар
  • Уртаклашырга
  • Көйләүләр
  • Copyright © 2025 Watch Tower Bible and Tract Society of Pennsylvania
  • Куллану шартлары
  • Конфиденциаль мәгълүмат турында килешү
  • Куркынычсызлык көйләүләре
  • JW.ORG
  • Керү
Уртаклашу