Аллаһы моны күрәме?
2001 елның 11 сентябрь көне. Иртәнге 8 сәгать 46 минут. Очып барган пассажир самолеты Нью-Йорк шәһәрендәге Халыкара сәүдә үзәгенә бәрелә. Шулай итеп террористларның планлаштырылган һөҗүмнәренең берсе башлана. 102 минут эчендә якынча 3 000 кеше һәлак була.
2004 елның 26 декабрь көне
Һинд океанында 9 балл көчендәге җир тетрәү аркасында коточкыч дулкыннар туа. Алар якынча 5 000 километр ара узып, унбер илгә, шул исәптән Африка илләренә, зыян китерә. Бер көн эчендә миллионнан артык кеше йортсыз кала һәм 150 000 кеше һәлак була яисә хәбәрсез югала.
2009 елның 1 август көне. 42 яшьлек ир-ат 5 яшьлек улы белән су мотоциклында барганда, агач пристаньга бәрелә. Әтисе шунда ук, ә улы икенче көнгә үлә. Аларның кайгыга баткан бер туганы үлгән малай турында болай дигән: «Без могҗиза булыр һәм ул исән калыр дип өметләнгән идек».
Сезнең дә террактлар, табигатьтәге афәтләр турында укыганда яки үзегез берәр бәла кичергәндә, мондый сорауларыгыз туа торгандыр: «Аллаһы моның барысын күрәме? Кайда соң ул?» Изге Язмаларда бу сорауларга җаваплар бар, һәм алар безгә юаныч китерә. Әйдәгез, бу җавапларны карап чыгыйк.
[3 биттәге иллюстрация]
© Dieter Telemans/Panos Pictures
PRAKASH SINGH/AFP/Getty Images
© Dieter Telemans/Panos Pictures