ИЗГЕ ЯЗМАЛАР НИГЕЗЕНДӘ ҖАВАПЛАР

Үлгәннәр өчен өмет бармы?

Үлемне йокы белән чагыштырып була: үле кеше бернәрсә дә сизми, бернәрсә дә эшләми. Шулай да тормышны Барлыкка Китерүче кешеләрне терелтә ала. Моны эшли алганын Аллаһы үзе раслаган. Ул Гайсәгә берничә үлгән кешене терелтергә көч биргән. (Вәгазьче 9:5; Яхъя 11:11, 43, 44 не укыгыз.)

Аллаһы үзенең хәтерендә сакланган үле кешеләрне гадел яңа дөньяда терелтергә вәгъдә иткән. Бу кешеләр, Аллаһы аларны терелткәнче, үлем хәлендә калырга тиеш. Чиксез Кодрәт Иясе Аллаһы үлеләрне терелтер өчен үз кодрәтен кулланырга бик нык тели. (Әюб 14:14, 15 не укыгыз.)

Терелтү нинди булачак?

Аллаһы кешеләрне терелткәч, алар үзләрен дә, дусларын да, туганнарын да таныячак. Кешенең тәне череп бетсә дә, Аллаһы шул ук кешене, аңа яңа тән биреп, терелтә ала. (1 Көринтлеләргә 15:35, 38 ны укыгыз.)

Чагыштырмача аз кеше күктә яшәр өчен терелтелә (Ачылыш 20:6). Терелтеләчәк кешеләрнең күбесе җирдә булачак оҗмахта яшәячәк. Аларга яңадан яшәргә һәм беркайчан да үлмәскә мөмкинлек биреләчәк. (Мәдхия 36:29; Рәсүлләр 24:15 не укыгыз.)