HABAKUKU
1 Uthenga uwo ntchimi Habakuku* yikapokera mu mboniwoni:
2 A Yehova, nililirenge wovwiri m’paka pawuli, kwambura imwe kupulika?+
Kasi nipemphenge wovwiri kuti nithaskike ku nkhaza m’paka pawuli, kwambura imwe kuchitapo kanthu?*+
3 Chifukwa wuli mukunilongora vinthu viheni?
Chifukwa wuli mukulekelera kuyuzgana?
Chifukwa wuli pharanyiko na nkhaza vili pamaso pane?
Ndipo chifukwa wuli kugazgana na kulimbana vyazara?
4 Ntheura dango lamara nkhongono,
Urunji ukuchitikaso yayi.
Pakuti ŵaheni ŵazingilizga ŵarunji;
Lekani urunji watimbanizgika.+
5 “Laŵiskani mukati mu ŵamitundu na kuwoneseska!
Dodoliskani mwakuzukuma na kuzizwa,
Pakuti chinthu chinyake chichitikenge mu mazuŵa ghinu,
Icho mugomezgenge yayi nanga mungaphalirika.+
Ŵakuphyera chigaŵa chikuru cha charu chapasi
Kuti ŵaphange vikaya ivyo ni vyawo yayi.+
7 Mbanthu ŵakutenthemeska na ŵakofya.
Ŵakukhazikiska urunji wawo na mazaza* ghawo.+
8 Mahachi ghawo ghakuchimbira luŵiro kuluska ŵanyalubwe,
Ndipo mbakali kuluska mphumphi nausiku.+
Mahachi ghawo ghankhondo ghakudukira kunthazi,
Mahachi ghawo ghakufuma kutali chomene.
Ghakuwuluka nga ni nombo iyo yikuthepura nyama.+
9 Wose ŵakwizira nkhaza.+
Visko vyawo vyawungana nga ni mphepo ya kumafumiro gha dazi,+
Awo ŵakoleka ŵakuŵawunjika nga ni mchenga.
10 Ŵakunyoza mathemba
Na kuseka ŵakaronga.+
Ŵakuseka malo ghose gha malinga ghakukhora,+
Ŵakuwunjika vibumira vya dongo na kuphanga.
11 Ŵakulutilira kwenda nga ni mphepo na kujumpha,
Kweni ŵazamuŵa na mulandu,+
12 A Yehova, asi ndimwe ŵamuyirayira?+
A Chiuta wane, Mutuŵa wane, imwe mukufwa chara.*+
Chifukwa wuli pera mukulekelera uryarya+
Na kukhala waka chete apo munthu muheni wakumira munthu murunji chomene kuluska iyo?+
14 Chifukwa wuli munthu mukumuzgora nga ni somba zamunyanja,
Nga ni vyakukhwaŵa ivyo vilije muwusi?
15 Wose aŵa, iyo* wakuŵaguzira muchanya na mbeja.
Wakuŵakora na mukwawu wake,
Na kuŵawunjika mu chilepa chake.
Lekani wakusekelera chomene.+
16 Lekani wakupeleka sembe ku mukwawu wake
Na kupeleka sembe* ku chilepa chake,
Chigaŵa chake ntchisambazi* chifukwa cha iwo,
Ndipo chakurya chake ntchiwemi.
17 Kasi walutilirenge kukhutura mukwawu wake?*
Kasi walutilirenge kukoma ŵamitundu kwambura chiwuravi?+
Niŵenge maso kuti niwone ivyo wayowoyenge kwizira mwa ine
Na ivyo nizgorenge para nkhuchenyeka.
2 Yehova wakanizgora kuti:
“Lemba mboniwoni iyi, ndipo uyilembe mwakuwoneka makora pa malibwe ghapapati,+
Mwakuti uyo wakuŵazga mwakukwezga malemba agha waleke kusuzgika.+
3 Pakuti mboniwoni iyi yikulindilira nyengo yake yakutemeka,
Ndipo yikuchimbilira kuumaliro* wake, yitetenge chara.
Nanga yingaziwulika,* lindilira nipera!*+
Pakuti yizamufiskika nadi.
Yichedwenge chara!
4 Wona uyo ngwakujikuzga,
Mtima wake ngwakunyoloka chara.
Kweni murunji wazamuŵa wamoyo chifukwa cha kugomezgeka* kwake.+
5 Enya, chifukwa vinyo likupuluska,
Munthu wakujikuzga wazamufiska yayi chilato chake.
Wakusanuzga chilyokolyoko chake kuŵa chisani nga ni Dindi,*
Wali nga ni nyifwa ndipo wakukhorwa chara.
Wakulutilira kuwunjika mitundu yose
Na kujiwunjikira ŵanthu wose.+
6 Asi wose aŵa ŵazamumuyowoyera ntharika, mwambi, na chinthanguni, kumuseka?+
Ŵazamuti:
‘Soka kwa uyo wakuwunjika vinthu ivyo ni vyake yayi
Wachitenge nthena m’paka pawuli?
Na uyo wakusazgirako ngongoli yake!
7 Asi awo uli nawo na ngongoli ŵazamukuwukira mwamabuchi?
Ŵazamukuwukira na kukusunkhunya mwankhaza,
Ndipo iwe uzamuŵa chinthu chakuti iwo ŵaphange.+
8 Pakuti ukaphanga mitundu yinandi,
Ŵanthu wose ŵakukhalapo ŵazamukuphanga,+
Chifukwa cha ndopa za ŵanthu izo wathiska
Na nkhaza zako izo ukachita pa charu chapasi,
Ku misumba, na kwa awo ŵakukhalamo.+
9 Soka kwa uyo wakusangira nyumba yake chandulo chiheni,
Mwakuti waŵike chivwimbo chake pachanya,
Kuti soka lileke kumusanga!
10 Nyumba yako wayinozgera vinthu vyakukhozga soni.
Ukujinangira wekha* pakuparanya mitundu yinandi.+
11 Pakuti libwe lizamuchemerezga kufuma pa chiliŵa,
Ndipo phaso lizamuzgora kufuma ku mtenje.
12 Soka kwa uyo wakuthiska ndopa pakuzenga msumba,
Na uyo wakuchita ubendezi pakuzenga tawuni!
13 Wonani! Asi chikufumira kwa Yehova wa mawumba kuti ŵanthu ŵalimbikirenge ntchito kuti ŵaryeske moto,
Ndiposo kuti mitundu yijivuskenge pawaka?+
14 Chifukwa charu chapasi chizamuzura na kumanya uchindami wa Yehova
Nga umo maji ghakuzuzgira nyanja.+
15 Soka kwa uyo wakupeleka chakumwa ku ŵanyake,
Wakusazgako ukali na kutukutwa kuti ŵaloŵere,
Mwakuti wawone nkhule zawo!
16 Uzamuzura na soni m’malo mwa uchindami.
Naweso, imwa na kulongora pakweru nkhule yako yambura kukotoleka.*
Nkhombo ya mu woko lamalyero la Yehova yizenge pafupi na iwe,+
Ndipo soni zizamubenekelera uchindami wako.
17 Pakuti nkhaza izo zikachitikira Lebanoni zizamukubenekelera,
Ndipo pharanyiko ilo likawofya vikoko likwiza pa iwe,
Chifukwa chakuti ukuthiska ndopa za ŵanthu
Na kuchita nkhaza pa charu chapasi,
Ku misumba na kwa awo ŵakukhalamo.+
18 Kasi chikozgo chakuŵaja chili na chandulo wuli,
Para uyo wakuŵaja wachiŵaja?
Kasi kuli chandulo wuli ku chikozgo chachisulo* na msambizgi mutesi,
Nangauli uyo wachipanga wakuchigomezga,
Na kupanga ŵachiuta ŵawakawaka ŵambura kuyowoya?+
19 Soka kwa uyo wakuyowoya ku khuni kuti: “Wuka!”
Panji ku libwe lambura kuyowoya kuti: “Wuka! Tisambizga!”
20 Kweni Yehova wali mu tempile lake lituŵa.+
Khalani chete pamaso pake, mose imwe mukukhala pa charu chapasi.’”+
3 Lurombo lwa ntchimi Habakuku, mu sumu zachitengero:
2 A Yehova, napulika vya imwe.
Mulimo winu ukunitenthemeska, A Yehova.
Mukati mu vyaka,* wuskani mulimo winu!
Mukati mu vyaka,* manyiskani mulimo winu.
Mu nyengo ya chitimbaheti, mphanyi mwakumbuka kulongora lusungu.+
Uchindami wake ukabenekelera machanya,+
Charu chapasi chikazura na malumbo ghake.
4 Kugadima kwake kukaŵa nga mbungweru.+
Malazi ghaŵiri ghakamwetukanga mu woko lake,
Umo mukabisika nkhongono zake.
5 Panthazi pake pakenda nthenda yakofya,+
Nthenda yakotcha thupi yikamulondezga mu malundi ghake.
6 Wakimilira na kusunkhunya charu.+
Wati walaŵiska, mitundu yikambwambwantha.+
Mapiri ghamuyirayira ghakabwangandulika,+
Ndipo tumapiri twakale tukasindama.
Nthowa zake ni zakale.
7 Nkhawona suzgo mu mahema gha Kushani.
Salu za mahema za charu cha Midiyani zikasunkhunyika.+
8 A Yehova, kasi mukwimikana na milonga?
Kasi ukali winu wagolelera milonga?
Panji mwatukutwira nyanja?+
9 Uta winu wafumiskika ndipo ngwakunozgeka.
Na chilapo, ndodo zikupika mulimo.* (Selah)
Na milonga, mukuphwamura charu chapasi.
10 Mapiri ghakugadabuka na vyakuŵinya pakumuwonani.+
Vimaji vikati vyakhutuka vikaphyerapo.
Ndimba ya maji yikapoma na mazgu ghake.+
Yikawuska mawoko ghake muchanya.
11 Dazi na mwezi vikimilira jojoloro pa malo ghake ghakukwezgeka.+
Mivi yinu yikenda nga mbungweru.+
Kumwetuka kwa mkondo winu kukaŵala.
12 Mukenda pa charu chapasi mwakutukutwa.
Mukakandira pasi mitundu mwaukali.
13 Mukafuma chifukwa cha chiponosko cha ŵanthu ŵinu, kuti muthaske wakuphakazgika winu.
Mukateketa mulongozgi* wa nyumba ya muheni.
Yikaŵa pwankhu kwambira pa fawundeshoni m’paka ku mtenje.* (Selah)
14 Vilwero vyake mukagwazira mutu wa ŵankhondo ŵake
Apo ŵakiza nga ni kavuluvulu kuti ŵanimbininiske.
Ŵakasekeleranga chomene kumilimitizga wakusuzgika kumphepete.
15 Mukendendeka mu nyanja na mahachi ghinu,
Mukajumpha pakati pa majigha ghakuru gha maji.
Kuvunda kukanjira mu viwangwa vyane,+
Malundi ghane musi ghakasunkhunyika.
Kweni nkhulindilira chisisi zuŵa la suzgo,+
Pakuti likwiza pa ŵanthu awo ŵakutiwukira.
17 Nanga khuni la mkuyu lingatondeka kuzota,*
Ndipo makuni gha mpheska ghangaŵavya chipambi,
Nanga maolive ghangatondeka kupambika,
Ndipo mu minda mungaŵavya chakurya,
Nanga mskambo ungamara mu chiŵaya,
Nanga mu viŵaya mungaŵavya ng’ombe,
18 Kweni ine, nisekelerenge mwa Yehova,
Nikondwenge mwa Chiuta wa chiponosko chane.+
19 Fumu Yikuru Yehova ndiyo nkhongono zane,+
Malundi ghane waghazgorenge nga gha mbaŵala
Na kuniyendeska pa malo ghapachanya.+
Kwa wakulongozga sumu. Yimbike na vyakwimbira vyane vyavingwe.
Panyake kung’anamura kuti, “Kuvumbatirika Mwachitemwa.”
Panji kuti, “kuponoska?”
Panji kuti, “ntchindi zawo.”
Pangayowoyekaso kuti, “nkhongono zawo ni chiuta wawo.”
Pangayowoyekaso kuti, “tifwenge chara.”
Panji kuti, “muŵachenye.”
Ndiko kuti, mulwani Mukalidi.
Panji kuti, “kusunkhizga vyakununkhira.”
Mazgu gheneko, “ntcha mafuta ghakukwana.”
Pangayowoyekaso kuti, “walutilirenge kusolora lupanga lwake?”
Panji kuti, “kufiskika.”
Panji kuti, “Nanga yingawoneka kuti yikuchedwa.”
Panji kuti, “chilindilira mwakunweka.”
Pangayowoyekaso kuti, “chipulikano chake; chigomezgo chake.”
Panji kuti, “Sheole,” ndiko kuti, malaro. Wonani Mang’anamuro gha Mazgu.
Panji kuti, “Ukunangira umoyo wako.”
Pangayowoyekaso kuti, “na kwenda penthyapenthya.”
Panji kuti, “chikozgo chakusongonora.”
Pangayowoyekaso kuti, “Mu nyengo yithu.”
Pangayowoyekaso kuti, “Mu nyengo yithu.”
Wonani Mang’anamuro gha Mazgu.
Pangayowoyekaso kuti, “Vilapo vya mafuko vikuyowoyeka.”
Mazgu gheneko, “mutu.”
Mazgu gheneko, “singo.”
Mazgu gheneko, “mu nthumbo mwane mukavunduka.”
Mazgu ghanyake, “kuchita maluŵa.”