Te Lua Samuelu
23 Konei a pati fakaoti a Tavita:+
“Ko pati a Tavita te tama tagata a Iese,+
Ko pati a se tagata telā ne fakamaluga aka,+
Te tino ne ‵tofi+ ne te Atua o Iakopo,
Te tino usu pese ‵gali+ o Isalaelu.
3 A te Atua o Isalaelu ne faipati;
A te Kaupapa o Isalaelu+ ne fai mai ki a au:
‘Kafai a te tino telā e pule ki tino e amiotonu,+
E pule atu mo te mataku ki te Atua,+
4 E fai pelā mo te mainaga o te tafataeao māfai ko ‵kasa te la,+
Se tafataeao e seai ne kaumana i ei.
E fai pelā mo te mainaga māfai ko laufie te vaiua,
Kae fai ei ke ola aka a mouku mai te laukele.’+
5 E a, e se fai penā toku fale i mua o te Atua?
Me ko oti ne fai ne ia se feagaiga se-gata-mai mo au,+
Ne fakatoka faka‵lei a fakamatalaga ki ei kae puipuigina.
Me e fakauiga i ei ki toku fakasaoga katoatoa mo toku fiafia katoatoa,
E a, e se tenā te pogai e ola ‵lei ei toku kāiga?+
6 Kae ko tāgata sē aoga e ‵pei katoa kea‵tea+ e pelā me ne lakau tala‵tala,
Me e se mafai o puke latou ki lima.
7 Kafai e patele se tagata ki a latou,
E ‵tau eiloa o katoatoa ana meatau fiti mo se tao,
Kae ka ‵sunu katoatoa atu latou ki te afi i te koga e ‵nofo ei latou.”
8 Konei a igoa o toa ‵mafi+ a Tavita: ko Iosepa-pasepete se tino Takemoni, ko te takitaki o te tokotolu.+ Ne fakaaoga ne ia tena tao ke tamate ki ei a tino e sili atu mo te toko 800 i te taimi eiloa e tasi. 9 E tafa atu ki a ia ko Eleasalo+ te tama tagata a Toto+ te tama tagata a Ahoi, se tokotasi o toa ‵mafi e tokotolu kolā ne ‵kau fakatasi mo Tavita i te taimi ne fakaitaita atu ei latou ki tino Filisitia. Ne maopoopo latou ki konā mō te taua, kae i te taimi ne ‵tele kea‵tea ei a tāgata Isalaelu, 10 ne tu a ia i tena tulaga kae ‵ta faeloa ne ia a tino Filisitia ke oko ki te taimi ko vāivāi ei tena lima kae ko makeke foki tena lima i te ‵kumiga o te pelu.+ Tenā ne aumai ei ne Ieova se manumaloga* lasi i te aso tenā;+ kae ne ‵foki mai a sotia i ana tua o tapale a gatu o tino kolā ne tamate.
11 E tafa atu ki a ia ko Sama te tama tagata a Aki te tino Halala. Ne maopoopo fakatasi a tino Filisitia i Lehi, i se laukele telā e ‵fonu i mouku ko te lenitili; kae ne ‵tele kea‵tea a tino ona ko tino Filisitia. 12 Kae ne tu a ia i tena tulaga i te kogaloto o te malae kae ‵pulu ne ia latou kae ne tamate faeloa ne ia a tino Filisitia, tenā ne aumai ei ne Ieova se manumaloga* lasi.+
13 E tokotolu tāgata mai te toko 30 takitaki ne olo ifo ki a Tavita i te ana o Atulama+ i te taimi o te ‵katiga o fuataga, kae isi ne taugasoa o tino Filisitia ne ‵nofo atu i te Vanu* o Lefaima.+ 14 I te taimi tenā, a Tavita ne nofo atu i se koga telā e isi sena ‵pui malosi,+ kae e isi se potukau leoleo o tino Filisitia i Peteleema. 15 Tenā ne fai aka ei ne Tavita a te mea telā ne manako malosi a ia ki ei: “Aku muna eiloa ke inu au ki vai mai te vaikeli i tafa o te mataloa o te ‵pui o Peteleema!” 16 Tenā ne ‵sala ei ne toa ‵mafi e tokotolu konā se lotou auala ke olo atu ki te koga e ‵nofo ei te kautau a Filisitia kae asu mai a vai mai te vaikeli i tafa o te mataloa o te ‵pui o Peteleema kae avatu ne latou ki a Tavita; kae ne ita tou tagata ma inu ki ei, ‵ligi ei ne ia ki tua i mua o Ieova.+ 17 Ana muna: “E seki mafaufau eiloa au, e Ieova, ke fai ne au te mea tenei! E mata, e ‵tau au o inu ki toto+ o tāgata kolā ne talia ne latou ke ‵tu olotou ola i se tulaga fakamataku?” Tenā ne ita ei a ia ma inu ki ei. Konei a mea ne fai ne ana toa ‵mafi e tokotolu.
18 Apisai+ te taina o Ioapo te tama tagata a Seluia+ ko te takitaki o te suā tokotolu; ne fakaaoga ne ia tena tao ke tamate ki ei a tino e sili atu i te toko 300, kae ne ‵pau eiloa ana mea ne fai mo te tokotolu muamua.+ 19 E tiga eiloa ne tāua atu a ia i lō te suā tokotolu, kae ko ia foki ko te lotou takitaki, ne seki maua ne ia te tulaga o te tokotolu muamua.
20 A Penaia+ te tama tagata a Ieoiata se tagata loto toa telā ne fai ne ia a mea e uke i Kapaseele.+ Ne tamate ne ia a tama tāgata e tokolua a Alielu mai Moapi, kae ne fanaifo a ia ki lalo i se vaikeli ‵masa o tamate te leona+ i te aso ne ‵to ei te kiona. 21 Ne tamate foki ne ia te matugā tagata lasi mai Aikupito. E tiga eiloa e isi se tao a te tagata Aikupito i tena lima, ne fanatu tou tagata mo tena tokotoko kae ‵fao ne ia te tao mai lima o te tagata Aikupito kae tamate ne ia tou tagata ki ei. 22 Konei a mea ne fai ne Penaia te tama tagata a Ieoiata, kae e ‵pau eiloa ana mea ne fai mo te tokotolu toa ‵mafi. 23 E tiga eiloa e sili atu tena takutakua i lō te toko tolusefulu, ne seki maua ne ia te tulaga o te tokotolu toa ‵mafi. Kae ne fakasopo aka a ia ne Tavita mo fai se leoleo e tokotasi a ia.
24 Asaelu+ te taina o Ioapo se tokotasi o te toko tolusefulu: ko Eleana te tama tagata a Toto mai Peteleema,+ 25 Sama te tino Halota, Elika te tino Halota, 26 Helesa+ te tino Petepelete, Ila+ te tama tagata a Ikesi te tino Tekoa, 27 Apiese+ te tino Anatota,+ Mepunai te tino Husa, 28 Salimona te tino Ahoi, Malai+ te tino Netopa, 29 Helepa te tama tagata a Paana te tino Netopa, Itai te tama tagata a Lipai o Kipea mai tino Peniamina, 30 Penaia+ te tino Pilatonu, Hitai mai te vanu o Kaasa,+ 31 Apialepono te tino Peta-alapa, Asimaveta te tino Paulima, 32 Eliapa te tino Salepono, tama tāgata a Iasena, Ionatana, 33 Sama te tino Halala, Aiama te tama tagata a Salala te tino Halala, 34 Elifeleti te tama tagata a Asipai te tama tagata a te tino Maakata, Eliamo te tama tagata a Aitofele+ te tino Kilo, 35 Heselo te tino Kalamelu, Palai te tino Alapi, 36 Ikala te tama tagata a Natano mai Sopa, Pani te tino Kato, 37 Seleka te tino Amoni, Nahalai te tino Pelota, ko te tino ave meatau a Ioapo te tama tagata a Seluia, 38 Ila te tino Itelo, Kalipo te tino Itelo,+ 39 mo Ulia+ te tino Heti—e toko 37 katoa latou.