Te Lua Samuelu
5 Fakamuli ifo, ne o‵mai a matakāiga katoa o Isalaelu ki a Tavita i Hepelona+ kae fai atu: “Kiloke! A matou ko ou ivi mo ou ‵kano.*+ 2 I aso ko ‵teka, kae koi fai ei a Saulo mo tupu o matou, ko koe eiloa ne takitaki ne koe a Isalaelu i ana taua.*+ Kae ne fai atu a Ieova ki a koe: ‘Ka tausi ne koe oku tino Isalaelu, kae ka fai koe mo takitaki o Isalaelu.’”+ 3 Tenā ne o‵mai ei a toeaina katoa o Isalaelu ki te tupu i Hepelona, kae ne fai ne te Tupu ko Tavita se feagaiga mo latou+ i Hepelona i mua o Ieova. Tenā ne ‵tofi ei ne latou a Tavita ke fai mo tupu o Isalaelu.+
4 Ko 30 tausaga o Tavita i te taimi ne fai ei a ia mo tupu, kae ne pule a ia i tausaga e 40.+ 5 E 7 tausaga mo te 6 masina ne pule ei a ia ki Iuta i Hepelona, kae 33 tausaga ne pule ei a ia ki Isalaelu mo Iuta kātoa i Ielusalema.+ 6 Kae ne olo atu a te tupu mo ana tāgata ki Ielusalema o taua atu ki tino Iepuse+ kolā ne ‵nofo i te fenua tenā. Ne fakaitaita atu a tino konā ki a Tavita: “Ka se mafai lele eiloa o ulu mai koe ki loto i konei. Ka afuli kea‵tea koe ne tino ‵kivi mo tino ‵pili.” Ne ma‵natu aka latou, ‘E se mafai o ulu mai a Tavita ki loto i konei.’+ 7 Kae ne ‵fao eiloa ne Tavita a ‵pui ma‵losi o Siona, telā ko taku nei ko te Fakai o Tavita.+ 8 Tenā ne fai atu ei a Tavita i te aso tenā: “A tino kolā ne taua atu ki tino Iepuse e ‵tau o olo i loto i alavai o ‵ta a ‘tino ‵pili mo tino ‵kivi,’ kolā ne takalia‵lia ki a Tavita!” Tenā te pogai e fai ei penei: “Ka se ulu atu eiloa a tino ‵pili mo tino ‵kivi ki loto i te fale.” 9 Tenā ne nofo ei a Tavita i loto i te fakai telā e ma‵losi ana ‵pui, kae ne taku* ko te Fakai o Tavita; kae ne kamata o faite fakatamilo ne Tavita a te fakai mai te Koga Maluga+ i loto.+ 10 Tenā ne gasolo aka faeloa o malosi atu+ a Tavita, kae ne ‵kau fakatasi eiloa a Ieova te Atua o kautau ki a ia.+
11 Ne uga atu ne te tupu o Tulo ko Hilamo+ a avefekau ki a Tavita, fakatasi mo laupapa alasi,+ tino faite mea ki lakau, mo tino faite mea ki fatu ke faite ne latou a ‵pui, kae ne kamata o faite ne latou se fale* mō Tavita.+ 12 Kae ne iloa ne Tavita me ko oti ne faka‵mautakitaki ne Ieova a ia e pelā me ko te tupu o Isalaelu+ kae ne fakamaluga aka tena malo+ ona ko Ana tino Isalaelu.+
13 Ne tokouke atu a nisi avaga fakasalasala+ mo avaga a Tavita ne puke i Ielusalema i tena vauga mai Hepelona, kae tokouke foki a tama tāgata mo tama fāfine a Tavita ne fa‵nau mai i konā.+ 14 Konei a igoa o tama‵liki a ia ne fa‵nau mai i Ielusalema: ko Samua, Sopapa, Natano,+ Solomona,+ 15 Ipala, Elisua, Nefeku, Iafia, 16 Elisama, Eliata mo Elifeleti.
17 I te taimi ne ‵logo ei a tino Filisitia me ko oti ne ‵tofi aka a Tavita ke fai mo tupu i Isalaelu,+ ne olo atu a tino Filisitia katoa o ‵sala a Tavita.+ I te logoga a Tavita i ei, ne fanaifo a ia ki tena koga ‵muni.+ 18 Tenā ne o‵mai ei a tino Filisitia kae salalau atu latou i te Vanu o Lefaima.+ 19 Ne fesili atu a Tavita ki a Ieova,+ ana muna: “E mata, e ‵tau au o fano o taua ki tino Filisitia? E mata, ka tuku mai ne koe latou ki oku lima?” I konā loa, ne fai atu a Ieova ki a Tavita: “Fano, me ka tuku atu eiloa ne au a tino Filisitia ki ou lima.”+ 20 Tenā ne fanatu ei a Tavita ki Paala-pelasima, kae ne ‵ta ne Tavita a latou i konā. Kae ne fai aka a ia: “A Ieova ko fano i oku mua e pelā me ne vai e ‵tafe atu kae fakaseai ei oku fili.”+ Tenā te pogai ne fakaigoa ei te koga tenā ko Paala-pelasima.+ 21 Ne tiaki ne tino Filisitia olotou tupua i konā, kae ne ave kea‵tea ne Tavita mo ana tāgata.
22 Fakamuli ifo, ne toe o‵mai a tino Filisitia kae salalau atu i te Vanu o Lefaima.+ 23 Ne fesili atu a Tavita ki a Ieova, kae ne fai mai a Ia: “Sa fano ‵tonu ki a latou. Kae fano o vau i olotou tua, o taua mai ki a latou i mua o vao lakau ko peka. 24 Kae kafai ko lagona ne koe a mea e pelā me ne tino e sa‵sale i taulu o vao lakau ko peka, ke na gasuesue eiloa koe mo te poto, me i a Ieova ko fanatu i ou mua o ‵ta te kautau a tino Filisitia.” 25 Ne fai eiloa ne Tavita a mea ne fakatonu atu ne Ieova ki a ia, kae ne ‵ta ne ia a tino Filisitia+ mai Kepa+ ke oko atu eiloa ki Kesela.+