Te Lua Samuelu
8 Fakamuli ifo, ne ‵ta ne Tavita a tino Filisitia+ kae fakatakavale latou,+ kae ne puke ne Tavita a Metekama mai lima o tino Filisitia.
2 Ne fakatakavale ne ia a tino Moapi+ kae fai ne ia ke ta‵kato i te laukele kae fua a latou ki se uka. Ne fua ne ia latou ki uka e lua ko te mea ke tamate, kae ko te uka kātoa e tasi ke se tamate.+ Kae ne fai a tino Moapi mo fai a tavini a Tavita kae ne aumai ne latou a meaalofa.+
3 Ne fakatakavale ne Tavita a Hatatesa te tama tagata a Lehopa te tupu o Sopa+ telā e fano i tena auala ke toe fakamalosi aka tena pulega i te Vaitafe ko te Eufilate.+ 4 Ne puke ne Tavita mai i a ia a tāgata faka‵tele solofanua e toko 1,700 kae toko 20,000 a sotia sa‵sale. Tenā ne fai ei ne Tavita ke ‵pili a vae o olotou solofanua+ faka‵tele kaliota katoa kae faka‵toe fua e 100.
5 I te taimi ne o‵mai ei a tino Sulia mai Tamaseko+ o fesoasoani ki te tupu o Sopa ko Hatatesa, ne ‵ta ne Tavita a tino Sulia e toko 22,000.+ 6 Tenā ne faka‵tu aka ei ne Tavita ne sotia leoleo i Sulia mai Tamaseko, kae ne fai a tino Sulia mo fai a tavini a Tavita kae avatu ne latou a meaalofa ki a ia. Ne tuku atu ne Ieova te manumalo ki a Tavita i so se koga ne fano a ia ki ei.+ 7 E se gata i ei, ne puke ne Tavita a talita aulo puku‵puku a tavini a Hatatesa kae aumai a mea konā ki Ielusalema.+ 8 Ne puke ne te Tupu ko Tavita a kopa e uke mai Peta mo Pelotai, ko fakai o Hatatesa.
9 Ne logo a te tupu o Hamata+ ko Toi me ne fakatakavale ne Tavita te kautau kātoa a Hatatesa.+ 10 Tenā ne uga atu ei ne Toi a tena tama tagata ko Iolamo ki te Tupu ko Tavita o fesili atu me e a mai a ia kae fakamālō atu ki a ia mō te taua atu mo te fakatakavalega o Hatatesa (me i a Hatatesa e masani o taua atu ki a Toi), kae ne aumai ne ia a mea e faite ki siliva, aulo mo kopa. 11 Ne fakatapu ne te Tupu ko Tavita a mea konei ki a Ieova, fakatasi mo siliva mo aulo kolā ne fakatapu ne ia mai fenua katoa kolā ne fakatakavale ne ia:+ 12 mai Sulia mo Moapi,+ mai tino Amoni, tino Filisitia,+ tino Amaleka+ mo mea ne puke mai i te taua mo Hatatesa+ te tama tagata a Lehopa te tupu o Sopa. 13 Ne takutakua foki a Tavita i tena fokimaiga i te tamatega o tino Etoma e toko 18,000 i te Vanu o Masima.+ 14 Ne faka‵tu ne ia a sotia leoleo i Etoma. Ne faka‵tu ne ia i Etoma kātoa a sotia leoleo, kae ne fai a tino Etoma katoa mo fai a tavini a Tavita.+ Ne tuku atu ne Ieova te manumalo ki a Tavita i so se koga ne fano a ia ki ei.+
15 Ne pule faeloa a Tavita ki Isalaelu+ kātoa, kae ne fai ne Tavita a fakamasinoga ‵tonu mo te amiotonu+ ki ana tino katoa.+ 16 A Ioapo+ te tama tagata a Seluia ko te pule o te kautau, kae ko Iosefatu+ te tama tagata a Ailuta ko te tino fakamau fakamatalaga. 17 A Satoka+ te tama tagata a Aitupa mo Aimeleka te tama tagata a Aviata ko faitaulaga, kae ko Selaia ko te failautusi. 18 A Penaia+ te tama tagata a Ieoiata ko te pule o tino Keleti mo tino Peletite.+ Kae ko tama tāgata a Tavita ne fai pelā me ne takitaki pule.*