Te Muamua Tupu
4 A te Tupu ko Solomona ne pule atu ki Isalaelu kātoa.+ 2 Konei ana ofisa ma‵luga: Asalia te tama tagata a Satoka+ ko te faitaulaga; 3 Eliolefi mo Aita ko tama tāgata a Sisa ne failautusi;+ Iosefatu+ te tama tagata a Ailuta ko te tino fakamau fakamatalaga; 4 Penaia+ te tama tagata a Ieoiata ko te pule o te kautau; Satoka mo Aviata+ ne faitaulaga; 5 Asalia te tama tagata a Natano+ ko te takitaki o pule lagolago; Saputa te tama tagata a Natano se faitaulaga kae se taugasoa o te tupu;+ 6 Aisala ko te pule o te palesi; mo Atonilama+ te tama tagata a Apata ko te pule o latou kolā e ‵tau o ga‵lue fakagamua mō te tupu.+
7 E toko 12 a pule lagolago a Solomona e pule atu ki Isalaelu kātoa kae e fakatoka ne latou a meakai a te tupu mo tena kāiga. E ‵tau mo te tino e tokotasi o fakatoka ne ia meakai mō te masina e tasi i te tausaga.+ 8 Konei olotou igoa: Te tama tagata a Hulo, i te koga maugā o Efalaima; 9 te tama tagata a Tekelu, i Makasa, Salapima,+ Peta-semese mo Eloni-peta-hananu; 10 te tama tagata a Penisete i Alupota (ne nofo mo ia a Soko mo te fenua kātoa o Hefa); 11 te tama tagata a Apinatapu, i ‵sifoga katoa o To (ne avaga tou tagata mo Tafata te tama fafine a Solomona); 12 ko Pana te tama tagata a Ailuta, i Tanaka, Mekito+ mo Peta-seana kātoa,+ telā e tu i tafa o Saletana mai lalo o Ieseleelu, mai Peta-seana ki Apelu-meola ke oko ki te kogā koga o Iokemeamo;+ 13 te tama tagata a Kepelu, i Lamota-kileata+ (ne nofo mo ia a faleie e sefulu o Iaila+ te tama tagata a Manase, kolā e ‵tu i Kileata;+ ne nofo foki mo ia te kogā koga o Alikopa,+ telā e tu i Pasana:+ e 60 a fakai ‵lasi kolā e isi ne olotou ‵pui mo fiti kopa); 14 Ainatapu te tama tagata a Ito, i Manaima;+ 15 Aimaasu i Nafatali (ne puke ne ia a Pasemeta te suā tama fafine a Solomona mo fai tena avaga); 16 Pana te tama tagata a Husai, i Asela mo Pealota; 17 Iosefatu te tama tagata a Palua, i Isakala; 18 Simei+ te tama tagata a Elai, i Peniamina;+ 19 Kepelu te tama tagata a Uli, i te fenua o Kileata,+ te fenua o Sekono+ te tupu o tino Amoli mo Oko+ te tupu o Pasana. E tokotasi foki te pule lagolago e pule atu ki nisi pule lagolago katoa konei i te fenua.
20 A tino Iuta mo tino Isalaelu ko tokouke e pelā eiloa mo one i te tafatai;+ ne ‵kai kae inu kae fia‵fia faeloa latou.+
21 Ne pule atu a Solomona ki malo katoa mai te Vaitafe*+ ke oko ki te fenua o tino Filisitia mo te tuakoi o Aikupito. Ne aumai ne latou a meaalofa kae tavini atu ki a Solomona i aso katoa o tena olaga.+
22 A meakai a Solomona i aso takitasi e 30 koli* o falaoa ‵mata kae ‵lei kae 60 koli o falaoa ‵mata masani, 23 e 10 pulumakau puta‵puta, e 20 pulumakau e kai‵kai i malae moukuā, kae 100 mamoe, i tafa o vaegā tia kese‵kese ko aila, kasele, lupaka mo manu eva puta‵puta ko kuku. 24 E pule atu a ia ki mea katoa i te feitu tenei o te Vaitafe,*+ mai Tifesa ki Kasa,+ e aofia i ei a tupu katoa i te feitu tenei o te Vaitafe; kae ne maua ne ia te filemu i kogā koga katoa i ana tafa.+ 25 Ne ‵nofo eiloa a tino Iuta mo Isalaelu mo te saogalemu, ko tino taki tokotasi mai lalo i olotou vine mo mati, mai Tanu ke oko ki Pelesepa, i aso katoa o Solomona.
26 Kae e 4,000* a fale o Solomona ke tausi ei ana solofanua mo ‵futi ana kaliota kae 12,000 a solofanua.*+
27 Ne avatu ne pule lagolago konei a meakai ki te Tupu ko Solomona mo tino katoa kolā e ‵kai i te taipola a te Tupu ko Solomona. Ne ‵saga eiloa a tino taki tokotasi o fakatoka a mea mō tena masina, kae fakamautinoa aka me lava a mea katoa kolā e manakogina.+ 28 Ne aumai foki ne latou a kalite mo mouku ki so se koga e manakogina i ei mō solofanua mo solofanua toso kaliota, e ‵tusa eiloa mo te aofaki e ‵tau o fakatoka ne te tino.
29 Kae ne tuku atu ne te Atua ki a Solomona a te poto mo te atamai lasi ‵ki, mo te loto e ‵fonu i te malamalama e pelā mo one i te tafatai.+ 30 Kae ko te poto o Solomona e sili atu i poto o tino katoa i te feitu ki Saegala mo poto katoa o Aikupito.+ 31 Ne poto atu a ia i so se tagata, e poto atu i a Etanu+ te tino Esela mo Hemanu,+ Kalakolu+ mo Taleta, mo tama tāgata a Maholo; ne salalau atu a tena takutakua ki atufenua katoa i ana tafa.+ 32 Ne tusi* ne ia a faigamuna e 3,000+ kae e ‵tusa mo te 1,005 te aofaki o ana pese.+ 33 E faipati a ia e uiga ki lakau, mai alasi o Lepanona ke oko ki isopo+ kolā e ola i luga i te ‵pui; e faipati foki a ia e uiga ki manu,+ manu eva,+ manu ‵tolo,+ mo ika. 34 A tino mai fenua katoa ne o‵mai o fakalogo‵logo ki te poto o Solomona, e aofia i ei a tupu mai te lalolagi kātoa kolā ne ‵logo i tena poto.+