Iopu
28 “E isi se koga e keli ei a siliva
Mo se koga e faka‵ma+ ei ne latou a aulo;
2 A te fiti e maua mai i te laukele,
3 E fakatakavale ne te tagata a te pouliga;
E sukesuke a ia ke oko eiloa ki te tapula o te koga pouli mo te pouliga lasi,
O salasala a fatu tāua.
4 E keli ne ia se pūga i se koga e ‵mao mo koga e ‵nofo ei a tino,
I se koga e se iloa atu, e ‵mao mai te koga e sa‵sale ei a tino;
E olo ifo a nisi tino ki lalo kae fakatau‵tau i lōpu.
5 E ola a meakai i luga i te laukele;
Kae i lalo i ei, ko isi se fakalavelave e pelā me ko ‵ka i se afi.*
6 I loto i fatu konā ko te safaila,
Kae ko te ‵pefu e maua i ei te aulo.
7 E seai se manu eva fekai e iloa ne ia te auala ki ei;
A mata o te manu ko te kite uli e seki lavea ne ia.
8 E seai ne manu fe‵kai ne lakalaka ne latou te koga tenā;
A tamā leona ne seki tolo‵tolo atu ki te koga tenā.
9 E tuki ne te tagata a kaupapa ma‵keke ki tena lima;
E ‵fuli ne ia a mauga i olotou fakavae.
10 E ‵kati ne ia a alavai+ i kaupapa;
E lavea ne ana mata so se mea tāua.
11 E ‵pono ne ia te koga e ‵tafe mai ei a vaitafe
Kae aumai ne ia a mea ne ‵funa ki te mainaga.
13 E seai se tagata e iloa ne ia tena tāua,+
Kae e se mafai o maua i te fenua o tino ola.
14 E fai mai a vai ‵poko, ‘E se maua i a au!’
Kae e fai mai te tai, ‘E se maua i a au!’+
15 E se mafai o ‵togi ki te tinā aulo;
Io me fua a siliva ke fesuiaki ki ei.+
16 E se mafai o ‵togi ki aulo mai Ofeila+
Io me ki onika kolā e fui maua e penā foki loa mo safaila.
17 A te aulo mo te kilasi e se mafai o fakatusa ki ei;
Io me se mea ne faite ki te aulo ‵lei ke fesuiaki ki ei.+
18 A kamu mo fatu kilasi e se tāua,+
Me i te taga e ‵fonu i te poto e tāua atu i lō se taga e ‵fonu i penina.
19 A topasa+ o Kusi e se mafai o fakatusa ki ei;
E se mafai foki eiloa o ‵togi ki te tinā aulo.
20 Kae e vau mai i fea te poto,
Kae tefea te māfuaga o te malamalama?+
21 Ko oti ne ‵funa mai i mata o mea ola katoa+
Kae ‵funa mai i manu eva o te lagi.
22 E fai mai a te fakamaseiga mo te mate,
‘Ne ‵logo fua mā taliga i te tala e uiga ki ei.’
23 E malamalama te Atua i te auala e maua i ei;
Ko ia fua tokotasi e iloa ne ia te koga e tuku i ei,+
24 Me kilo atu a ia ki koga ‵mao o te lalolagi,
Kae lavea ne ia a mea katoa i lalo o te lagi.+
25 I te taimi e fakatoka ei ne ia te malosi* o te matagi+
Kae fua ne ia a vai,+
26 I te taimi e fai ei ne ia se tulafono foliki mō te vaiua+
Mo se auala mō te kaumana o te matagi mo fa‵tili,+
27 Tenā ne lavea ei ne ia te poto kae fakamatala ne ia;
Ne fakatoka kae tofotofo ne ia.
28 Kae ne fai atu a ia ki te tagata: