Isaia

18 Kalofa eiloa i te laukele o tamā manu fo‵liki e kapatā olotou kapakau

I te kogā koga o vaitafe o Aitiope!+

 2 E uga atu ne ia a sui i te tai,

Ki te suā feitu i vaka e fai ki te lakau ko te kome, ana muna:

“Olo, koutou e avefekau makini,

Ki se fenua loa kae pa‵kili maniania,

Ki tino kolā e ma‵taku ki ei a tino katoa,+

Ki se fenua malosi telā e manumalo,

Ko te fenua telā ko oti ne ‵tafe a tena laukele i vaitafe.”

 3 A koutou katoa e tino o te fenua mo tino e ‵nofo i te lalolagi,

A te mea e lavea ne koutou ka fai pelā me se fakailoga e fakatu aka i luga i mauga,

Kae ka lagona ne koutou se ‵tagi e pelā mo te ‵tagi o se pu.

“Ka se manavase eiloa au kae kilo atu ki toku koga ko oti ne faka‵mautakitaki,

E pelā mo te matilotilo mai o te ‵vela fakatasi mo te mainaga o te la,

E pelā mo kaumana o te ‵sau i te ‵vela o te taimi e ‵kati ei fuataga.

 5 Me koi tuai o ‵kati a fuataga,

Māfai ko palele ne ‵pula mai a pula kae ko kamata o ‵pala a fuagavine,

A somo ka ‵kati kea‵tea ki se mea ‵vele vao

Kae ko moe ka ‵kati kae ave kea‵tea.

 6 Ka tiaki atu a mea katoa konā ki manu eva o mauga

Mo manu fe‵kai o te lalolagi.

A manu eva ka ‵nofo i ei i te taimi o te tau ‵vela,

Kae ko manu fe‵kai katoa o te lalolagi ka ‵nofo i ei i te taimi e ‵kati ei a fuataga.

 7 I te taimi tenā ka aumai i ei se meaalofa ki a Ieova o kautau,

Mai i se fenua loa kae pa‵kili maniania,

Mai i tino kolā e ma‵taku ki ei a tino katoa,

Mai i se fenua malosi telā e manumalo,

Ko te fenua telā ko oti ne ‵tafe a tena laukele i vaitafe

Ki te koga telā e tuku i ei te igoa o Ieova o kautau, ko te Mauga o Siona.”+