Isaia

20 I te tausaga ne uga mai ei ne te tupu o Asulia ko Sakono a te takitaki* ki Asetota,+ ne taua atu a ia ki Asetota kae puke ne ia.+ 2 I te taimi tenā ne faipati atu a Ieova e auala i a Isaia+ te tama tagata a Amota, ana muna: “Fano, tapale kea‵tea a gatu lautaga mai i ou kautega, kae tapale ou taka mai i ou vae.” Kae ne fai eiloa ne ia te mea tenā, ne sasale fuafua* kae seai ne ana taka.

3 Tenā ne fai atu ei a Ieova: “E pelā eiloa mo taku tavini ko Isaia, ne sasale fuafua kae seai ne ana taka i tausaga e tolu e pelā me se fakailoga+ mo se fakailoaga e uiga ki te mea ka tupu ki Aikupito+ mo Aitiope,+ 4 ka ‵taki atu foki ne te tupu o Asulia a pagota o Aikupito+ mo tino ne puke fakapagota mai Aitiope, ko tama‵liki tāgata mo toeaina, e ‵nofo fuafua kae seai ne olotou taka kae tuku faka‵sau atu olotou pāpāmuli, se mea fakamasiasi* ki Aikupito. 5 Kae ka ma‵taku kae ma‵vale latou i Aitiope telā ko te lotou fakamoemoega mo Aikupito telā e fakamata‵mata* latou ki ei. 6 A tino e ‵nofo i tafatafa o te tai i konei ka fai aka i te aso tenā, ‘‵Kilo atu ki te mea ne tupu ki te ‵tou fakamoemoega, telā ne ‵tele tatou ki ei mō se fesoasoani kae ke ‵sao mai te tupu o Asulia! Nei la, ka ‵sao pefea tatou?’”