Isaia
9 Kae ko te pouliga ka se fai pelā mo te taimi ne puapuaga ei te fenua, e pelā mo taimi mua kolā ne fai fakamasei ei a te fenua o Sepulona mo te fenua o Nafatali.+ Kae i taimi fakamuli ifo, ka fai ne Ia ke fakaaloalogina—i te auala i tafa o te tai, i te kogā koga o te Iolitana, ko Kalilaia o fenua fakaa‵tea.
2 A tino kolā e sa‵sale i te pouliga
Ne lavea ne latou se mainaga lasi.
Kae ko latou kolā e ola i te fenua o te pouli tagataga,
Ne maina atu te mainaga ki luga i a latou.+
3 Ko oti ne fai ne koe a te fenua ke tokouke;
Ko oti ne fai ne koe ke lasi te lotou fia‵fia.
E fia‵fia latou i ou mua
E pelā mo te fia‵fia o tino i te taimi e tau ei a fuataga,
E pelā mo te fia‵fia o latou kolā e vaevae olotou mea ne maua i te taua.
4 Me ko oti ne ofa likiliki ne koe a amo o olotou amoga,
Ko lakau i olotou tuauma, ko te tokotoko a te lotou tino fakatonutonu galuega,
E pelā mo aso o Mitiana.+
5 A taka katoa kolā e fakagalulu ne ia te laukele i te taimi e māti atu ei
Mo gatu katoa kolā ne ufi i loto i toto
Ka fai mo fai a fafie mō te afi.
6 Me e isi se tamaliki ne fanau mō tatou,+
Se tamaliki tagata ne tuku mai ki a tatou;
Ka fakaigoa a ia ko te Tino Fakatonutonu Sili,+ te Atua Malosi,+ te Tamana ki te Se-Gata-Mai, te Pelenise o te Filemu.
7 Ka seai se gatamaiga o te gasoloakaga o tena pulega*
Mo te filemu,+
I luga i te nofogaaliki o Tavita+ mo tena malo
Ko te mea ke faka‵mautakitaki+ kae ke fakatumau te mea tenā
E auala i te fakamasinoga tonu+ mo te amiotonu,+
Mai te taimi nei ke oko eiloa ki te se-gata-mai.
A te loto finafinau o Ieova o kautau ka fai ne ia te mea tenei.
8 Ne fai mai ne Ieova a pati ‵teke ki te kāiga o Iakopo,
Kae ko oti eiloa ne oko mai ki luga i Isalaelu.+
9 Kae ko tino katoa ka iloa ne latou a te mea tenā
—ko Efalaima mo tino e ‵nofo i Samalia—
Kolā e fai mai mo te fakamaualuga mo te loto fia sili:
10 “A puliki ko tatela,
Kae ka toe faite ne tatou ki fatu ne ‵kati.+
A lakau ko sukamolo ko oti ne ‵kati ki lalo,
Kae ka sui ne tatou ki alasi.”
11 Ka faka‵tu aka ne Ieova a fili o Lesina ke ‵teke atu ki a ia
Kae ka fakamalosi ne ia ana fili ke gasue‵sue,
12 Ko Sulia mai saegala mo tino Filisitia mai togala,*+
Ka faka‵maga olotou gutu o kai a Isalaelu.+
I te kilo atu ki mea katoa konei, a tena kaitaua ne seki mafuli eiloa,
Kae koi ‵kapa atu eiloa tena lima o ‵ta latou.+
13 Me i tino e seki ‵foki mai ki te Atua telā ne ‵ta ne ia latou;
Ne seki ‵sala atu latou ki a Ieova o kautau.+
14 Ka ‵kati kea‵tea ne Ieova mai Isalaelu
A te ulu mo te felo, te somo mo mouku ‵loa, i te aso eiloa e tasi.+
15 A te toeaina mo te tino e fakaaloalogina malosi ko te ulu,
Kae ko te pelofeta telā e tuku mai ne ia a akoakoga sē ‵tonu ko te felo.+
16 A latou kolā e takitaki ne latou a tino konei ka fai ne latou ke takasē‵se,
Kae ko tino kolā ne takitaki atu ko ‵numi valevale.
17 Tenā te pogai ka se fiafia ei a Ieova ki olotou tamataene,
Kae ka seai sena alofa fakamagalo ki olotou tama‵liki e seai ne olotou tamana mo olotou fāfine kolā ko ‵mate olotou avaga
Me i a latou katoa ne aposetate mo tino amio matagā+
Kae ko gutu katoa e fai‵pati ki mea sē aoga.
I te kilo atu ki mea katoa konei, a tena kaitaua ne seki mafuli eiloa,
Kae koi ‵kapa atu eiloa tena lima o ‵ta latou.+
18 Me i amioga ma‵sei e ‵ka pelā me se afi,
E ‵ka i ei a vao lakau talatala mo mouku ma‵sei.
Ka fai ne ia a vao lakau o te togavao ke ‵ka i te afi,
Kae ka olo aka ki luga i te ausaga o te au.
19 I te kaitaua o Ieova o kautau
Ko faka‵ka i ei a te laukele ki te afi,
Kae ko tino ka fai mo fai ne fafie mō te afi.
Ka seai se tino e fakasao ne ia tena taina.
20 E tokotasi ka ‵kati ki lalo ne ia te feitu fakaatamai
Kae koi fiakai eiloa;
Kae e tokotasi ka kai i te feitu fakamaui
Kae ka se makona.
Ka kai ne tino taki tokotasi a ‵kano i olotou lima eiloa,
21 Ka kai ne Manase a Efalaima
Kae ko Efalaima ka kai ne ia a Manase.
Ka ‵teke fakatasi atu lāua ki a Iuta.+
I te kilo atu ki mea katoa konei, a tena kaitaua ne seki mafuli eiloa,
Kae koi ‵kapa atu eiloa tena lima o ‵ta latou.+