Numela

29 “‘I te po muamua o te fitu o masina, e ‵tau o fai ne koutou se fakatasiga tapu. E se ‵tau mo koutou o fai ne galuega ‵mafa i ei.+ Ko te aso tenā e ‵tau ei mo koutou o ili a te pu.+ 2 E ‵tau o ofo atu ne koutou e pelā me se taulaga ‵sunu telā e manogi gali* ki a Ieova, te tamā pulumakau tagata e tasi, te mamoe tagata e tasi kae fitu a tamā mamoe tāgata kolā ko takitasi tausaga te ma‵tua. Kae ko manu konā e ‵tau o ‵lei katoa, 3 fakatasi mo olotou taulaga meakai o falaoa ‵mata kae ‵lei kolā ne palutasi mo te sinu, e tolu-vae-sefulu o te efa mō te pulumakau tagata, kae lua-vae-sefulu o te efa mō te mamoe tagata, 4 kae tasi-vae-sefulu o te efa mō tamā mamoe tāgata takitasi e fitu, 5 kae e tasi te tamā kouti tagata ke fai pelā me se taulaga mō agasala mo fai te faka‵māga mō koutou. 6 A te mea tenei se mea fakaopoopo ki te taulaga ‵sunu masani o te masina mo tena taulaga meakai+ mo te taulaga ‵sunu masani mo tena taulaga meakai,+ fakatasi mo lā taulaga meainu,+ e pelā eiloa mo faifaiga masani e fai sāle ki ei, e pelā me se mea manogi gali,* se taulaga telā e ofo atu i luga i te afi ki a Ieova.

7 “‘Kae i te po sefulu o te fitu o masina e ‵tau o fai ne koutou se fakatasiga tapu,+ kae e ‵tau o fakalogo‵mae ne koutou a koutou eiloa.* E se ‵tau mo koutou o fai ne galuega i ei.+ 8 Kae ka ofo atu ne koutou e pelā me se taulaga ‵sunu ki a Ieova, telā e manogi gali,* se tamā pulumakau tagata e tasi, se mamoe tagata e tasi, mo tamā mamoe tāgata e fitu kolā ko takitasi tausaga te ma‵tua. Kae ko manu konā e ‵tau o ‵lei katoa.+ 9 Kae pelā mo te lotou taulaga meakai o falaoa ‵mata kae ‵lei telā ne palutasi mo te sinu, e tolu-vae-sefulu o te efa mō te pulumakau tagata, e lua-vae-sefulu o te efa mō te mamoe tagata e tasi, 10 e tasi-vae-sefulu o te efa mō tamā mamoe tāgata takitasi e fitu, 11 mo se tamā kouti e tasi mo fai se taulaga mō agasala, i tafa o te taulaga mō agasala mo fai te faka‵māga+ mo te taulaga ‵sunu masani mo tena taulaga meakai, fakatasi mo lā taulaga meainu.

12 “‘Kae i te po 15 o te fitu o masina e ‵tau o fai ne koutou se fakatasiga tapu. E se ‵tau mo koutou o fai ne galuega ‵mafa i ei, kae e ‵tau mo koutou o fai se ‵kaiga fiafia ki a Ieova i aso e fitu.+ 13 Kae ka ofo atu ne koutou e pelā me se taulaga ‵sunu,+ se taulaga e ofo atu i luga i te afi telā e manogi gali* ki a Ieova, e 13 tamā pulumakau tāgata, e 2 mamoe tāgata, kae 14 tamā mamoe tāgata kolā ko takitasi tausaga te ma‵tua. Kae ko manu konā e ‵tau o ‵lei katoa.+ 14 Kae pelā mo te lotou taulaga meakai o falaoa ‵mata kae ‵lei telā ne palutasi mo sinu, e tolu-vae-sefulu o te efa mō pulumakau tāgata takitasi e 13, e lua-vae-sefulu o te efa mō mamoe tāgata takitasi e 2, 15 kae tasi-vae-sefulu o te efa mō tamā mamoe tāgata takitasi e 14, 16 mo se tamā kouti e tasi mo fai se taulaga mō agasala, i tafa o te taulaga ‵sunu masani, tena taulaga meakai mo tena taulaga meainu.+

17 “‘Kae i te lua o aso e 12 tamā pulumakau tāgata, e 2 mamoe tāgata, kae 14 tamā mamoe tāgata kolā ko takitasi tausaga te ma‵tua. Kae ko manu konā e ‵tau o ‵lei katoa,+ 18 mo olotou taulaga meakai mo taulaga meainu mō pulumakau tāgata, mo mamoe tāgata mo tamā mamoe tāgata e ‵tusa mo te aofaki o latou, e ‵tusa foki mo faifaiga masani kolā e fai sāle ki ei, 19 mo te tamā kouti e tasi mo fai se taulaga mō agasala, i tafa o te taulaga ‵sunu masani mo tena taulaga meakai, fakatasi mo olotou taulaga meainu.+

20 “‘Kae i te tolu o aso e 11 a pulumakau tāgata, e 2 a mamoe tāgata, kae 14 a tamā mamoe tāgata kolā ko takitasi tausaga te ma‵tua. Kae ko manu konā e ‵tau o ‵lei katoa,+ 21 fakatasi mo olotou taulaga meakai mo olotou taulaga meainu mō pulumakau tāgata, mamoe tāgata mo tamā mamoe tāgata e ‵tusa mo te aofaki o latou, e ‵tusa foki mo faifaiga masani kolā e fai sāle ki ei, 22 mo te tamā kouti e tasi mo fai se taulaga mō agasala, i tafa o te taulaga ‵sunu masani mo tena taulaga meakai mo tena taulaga meainu.+

23 “‘Kae i te fa o aso, e 10 pulumakau tāgata, e 2 mamoe tāgata, kae 14 a tamā mamoe tāgata kolā ko takitasi tausaga te ma‵tua. Kae ko manu konā e ‵tau o ‵lei katoa,+ 24 fakatasi mo olotou taulaga meakai mo olotou taulaga meainu mō pulumakau tāgata, mamoe tāgata mo tamā mamoe tāgata e ‵tusa mo te aofaki o latou, e ‵tusa foki mo faifaiga masani kolā e fai sāle ki ei, 25 mo te tamā kouti e tasi mo fai se taulaga mō agasala, i tafa o te taulaga ‵sunu masani, tena taulaga meakai mo tena taulaga meainu.+

26 “‘Kae i te lima o aso, e 9 pulumakau tāgata, e 2 mamoe tāgata, kae 14 tamā mamoe tāgata kolā ko takitasi tausaga te ma‵tua. Kae ko manu konā e ‵tau o ‵lei katoa,+ 27 fakatasi mo olotou taulaga meakai mo olotou taulaga meainu mō pulumakau tāgata, mamoe tāgata mo tamā mamoe tāgata e ‵tusa mo te aofaki o latou, e ‵tusa foki mo faifaiga masani kolā e fai sāle ki ei, 28 mo te kouti e tasi mo fai se taulaga mō agasala, i tafa o te taulaga ‵sunu masani mo tena taulaga meakai mo tena taulaga meainu.+

29 “‘Kae i te ono o aso, e 8 pulumakau tāgata, e 2 a mamoe tāgata, kae 14 a tamā mamoe tāgata kolā ko takitasi tausaga te ma‵tua. Kae ko manu konā e ‵tau o ‵lei katoa,+ 30 fakatasi mo olotou taulaga meakai mo taulaga meainu mō pulumakau tāgata, mamoe tāgata mo tamā mamoe tāgata e ‵tusa mo te aofaki o latou, e ‵tusa foki mo faifaiga masani kolā e fai sāle ki ei, 31 mo te kouti e tasi mo fai se taulaga mō agasala, i tafa o te taulaga ‵sunu masani, tena taulaga meakai mo tena taulaga meainu.+

32 “‘Kae i te fitu o aso, e 7 pulumakau tāgata, e 2 mamoe tāgata, mo tamā mamoe tāgata e 14 kolā ko takitasi tausaga te ma‵tua. Kae ko manu konā e ‵tau o ‵lei katoa,+ 33 fakatasi mo olotou taulaga meakai mo olotou taulaga meainu mō pulumakau tāgata, mamoe tāgata mo tamā mamoe tāgata e ‵tusa mo te aofaki o latou, e ‵tusa foki mo faifaiga masani kolā e fai sāle ki ei, 34 mo te kouti e tasi mo fai se taulaga mō agasala, i tafa o te taulaga ‵sunu masani, tena taulaga meakai mo tena taulaga meainu.+

35 “‘I te valu o aso e ‵tau o fai ne koutou se maopoopoga ‵malu. E se ‵tau o fai ne koutou ne galuega ‵mafa i ei.+ 36 E ‵tau o ofo atu ne koutou e pelā me se taulaga ‵sunu, se taulaga e ofo atu i luga i te afi kae manogi gali* ki a Ieova, te pulumakau tagata e tasi, te mamoe tagata e tasi, kae e fitu a tamā mamoe tāgata kolā ko takitasi tausaga te ma‵tua. Kae ko manu konā e ‵tau o ‵lei katoa,+ 37 fakatasi mo olotou taulaga meakai mo taulaga meainu mō te pulumakau tagata, mamoe tagata mo tamā mamoe tāgata e ‵tusa mo te aofaki o latou, e ‵tusa foki mo faifaiga masani kolā e fai sāle ki ei, 38 mo te kouti e tasi mo fai se taulaga mō agasala, i tafa o te taulaga ‵sunu masani mo tena taulaga meakai mo tena taulaga meainu.+

39 “‘Ka ofo atu ne koutou a mea konei ki a Ieova i otou ‵kaiga fia‵fia,+ i tafa o otou taulaga o tautoga+ mo otou taulaga o te lotomalie+ e pelā me ne taulaga ‵sunu+ a koutou mo otou taulaga meakai+ mo otou taulaga meainu+ mo otou taulaga ‵kai fakatasi.’”+ 40 Ne fai atu ne Mose ki tino Isalaelu a mea katoa ne fakatonu atu ne Ieova ki a ia.