Iosua

13 A Iosua i te taimi nei ko matua eiloa kae ko toeaina foki.+ Ne fai atu a Ieova ki a ia: “A koe ko matua kae ko toeaina foki, kae koi uke a laukele e ‵tau o puke mō koutou.* 2 Tenei te laukele koi ‵toe:+ ko kogā koga katoa o tino Filisitia mo tino Kesula katoa.+ 3 (mai te maga o te Naila* i te feitu ki saegala o* Aikupito ke oko ki te tuakoi o Ekelona i te feitu ki mātū, telā ne fai sāle pelā me ko te kogā fenua o tino Kanana)+ e aofia i ei a aliki e tokolima o te kau Filisitia+​—ko tino Kasa, tino Asetota,+ tino Asekelona,+ tino Kata,+ tino Ekelona;+ mo tino Avima+ 4 i te feitu ki saute; ko laukele katoa o tino Kanana; Meala, se laukele o tino Saitonu,+ ke oko atu ki Afeka, ke oko atu ki te tuakoi o tino Amoli; 5 te laukele o tino Kepola+ mo Lepanona kātoa o fano ki te feitu ki saegala, mai Paalakato i te tafito o te Mauga o Helemoni ke oko ki Lepo-hamata;+ 6 ko tino katoa e ‵nofo i koga maugā mai Lepanona+ ke oko atu ki Miselefota-maima;+ mo tino Saitonu+ katoa. Ka afuli ne au latou kea‵tea i mua o tino Isalaelu.+ E ‵tau fua o tuku atu ne koe ki tino Isalaelu e pelā me ko te lotou tofi, e pelā eiloa mo taku fakatonuga ki a koe.+ 7 Kae nei e ‵tau o vaevae ne koe te laukele tenei e pelā me se tofi o matakāiga e iva mo te āfa o te matakāiga o Manase.”+

8 A te suā āfa o te matakāiga o Manase, mo tino Leupena mo tino Kato ko oti ne puke te lotou tofi telā ne tuku atu ne Mose ki a latou i te feitu ki saegala o te Iolitana, e ‵tusa eiloa mo te mea ne tuku atu ne Mose, te tavini a Ieova ki a latou:+ 9 mai Aloela+ telā e tu i kaugutu o te Vanu o Alinona+ mo te fakai i te kogāloto o te vanu, mo koga ma‵luga kae laugatasi katoa o Metepa ke oko atu ki Tipono; 10 mo fakai katoa o te tupu o tino Amoli ko Sekono, telā ne pule i Hesepono, ke oko atu ki te tuakoi o tino Amoni;+ 11 e pelā foki mo Kileata mo kogā fenua o tino Kesula mo tino Maakata+ mo te Mauga o Helemoni kātoa mo Pasana+ kātoa ke oko atu ki Saleka;+ 12 ko te malo kātoa o Oko i Pasana, telā ne pule i Asatalota mo Etelei. (A ia ko te ‵toe tino o tino Lefaima.)+ Ne fakatakavale ne Mose latou kae afuli atu kea‵tea.*+ 13 Kae ko tino Isalaelu ne seki afuli kea‵tea+ ne latou a tino Kesula mo tino Maakata, me ne ‵nofo eiloa a Kesula mo Maakata fakatasi mo tino Isalaelu ke oko mai ki te aso nei.

14 Ko te matakāiga fua o tino Levi e seai se tofi ne tuku atu ne ia ki a latou.+ A taulaga kolā ne ofo atu i luga i te afi ki a Ieova te Atua o tino Isalaelu ko te lotou tofi,+ e pelā eiloa mo tena tautoga ne fai ki a latou.+

15 Tenā ne tuku atu ei ne Mose se tofi o te matakāiga o tino Leupena e ‵tusa mo olotou kāiga, 16 kae ko te lotou kogā fenua e kamata mai i Aloela, telā e tu i kaugutu o te Vanu o Alinona, mo te fakai i te kogāloto o te vanu, mo koga ma‵luga kae laugatasi katoa i tafa o Metepa; 17 Hesepono mo ana fakai fo‵liki+ katoa i koga ma‵luga kae laugatasi, Tipono, Pamota-paala, Peta-palameono,+ 18 Iasa,+ Katemota,+ Mefata,+ 19 Kiliataima, Sipama+ mo Seletasala i te mauga o te vanu, 20 Petepeolo, ‵sifōga o Peseka,+ Peta-iesimota,+ 21 ko fakai katoa i koga ma‵luga kae laugatasi, mo te malo kātoa o te tupu o tino Amoli ko Sekono, telā ne pule i Hesepono.+ Ne fakatakavale+ ne Mose tou tagata fakatasi mo takitaki o Mitiana ko Evi, Lekima, Siula, Hulo mo Lepa+ ko tino mai lalo i a* Sekono, kolā ne ‵nofo i te fenua. 22 A Palaamo+ te tama tagata a Piolo, te tino fakataulaitu,+ se tino e tokotasi telā ne tamate ne tino Isalaelu ki te pelu fakatasi mo tino katoa kolā ne tamate. 23 A te tuakoi o tino Leupena ko te Iolitana; kae ko te kogā fenua tenei ko te tofi o tino Leupena e ‵tusa mo olotou kāiga, mo fakai mo olotou koga ‵nofo.

24 E se gata i ei, ne tuku atu ne Mose a te tofi o te matakāiga o Kato, ko tino Kato e ‵tusa mo olotou kāiga, 25 kae ko olotou kogā fenua e aofia i ei a Iaseli+ mo fakai katoa o Kileata mo te āfa o te laukele o tino Amoni+ ke oko atu ki Aloela, telā e fakasaga ki Lāpa;+ 26 kae mai Hesepono+ ke oko atu ki Lama-misipe mo Petonima, kae mai i Manaima+ ke oko atu ki te tuakoi o Tipeli; 27 mo te vanu, Peta-halama, Peta-nimala,+ Sukota+ mo Safono, te ‵toega o te malo o te tupu o Hesepono+ ko Sekono, kae tuakoi ki te Iolitana mai te feitu ki lalo o te Tai o Tinelete*+ i te feitu ki saegala o te Iolitana. 28 Tenei te tofi o tino Kato e ‵tusa mo olotou kāiga, mo fakai mo olotou koga ‵nofo.

29 E se gata i ei, ne tuku atu ne Mose se tofi ki te āfa o te matakāiga o Manase, ki kāiga i te āfa o te matakāiga o Manase.+ 30 Kae ko te lotou kogā fenua e vau mai i Manaima+ kae aofia i ei a Pasana kātoa, te malo kātoa o te tupu o Pasana ko Oko, mo fakai fo‵liki o Iaila+ i Pasana kolā e ‵nofo i faleie, e 60 a fakai. 31 Kae ko te āfa o Kileata, mo Asatalota mo Etelei,+ ko fakai o malo o Oko i Pasana, ne tuku atu ki tama tāgata a Makila+ te tama tagata a Manase, ki te āfa o tama tāgata a Makila e ‵tusa mo olotou kāiga.

32 Konei a tofi ne tuku atu ne Mose ki a latou i te koga laugatasi o Moapi i te suā feitu o te Iolitana, ki saegala o Ieliko.+

33 Kae e seai se tofi ne tuku atu ne Mose ki te matakāiga o tino Levi.+ A Ieova te Atua o Isalaelu ko te lotou tofi, e pelā eiloa mo tena tautoga ne fai ki a latou.+