Iosua

19 A te vili i te lua+ ne tu ki a Simeona, ki te matakāiga o Simeona+ e ‵tusa mo olotou kāiga. Kae ko te lotou tofi e tu i loto i te tofi o Iuta.+ 2 A te lotou tofi ko Pelesepa+ fakatasi mo Seepa, Molata,+ 3 Hasalasualo,+ Palaha, Esema,+ 4 Elitolita,+ Petuli, Holema, 5 Sikilaka,+ Peta-makapota, Hasala-susa, 6 Peta-lepaota+ mo Saluena​—e 13 a fakai mo olotou koga ‵nofo; 7 Aino, Limoni, Etela mo Asani+​—e fa a fakai mo olotou koga ‵nofo; 8 mo fakai katoa i tafa o fakai konei ke oko atu ki Paala-peolo, Lama i te feitu ki saute. Tenei te tofi o te matakāiga o Simeona e ‵tusa eiloa mo olotou kāiga. 9 A te tofi o tino ne ‵tupu mai i a Simeona ne puke mai i te vaega o Iuta, me ko tō lasi te vaega o Iuta mō latou. Tela la, ne maua ne tino ne ‵tupu mai i a Simeona se lotou vaega mai te tofi o latou.+

10 A te vili i te tolu+ ne tu atu ki tino ne ‵tupu mai i a Sepulona+ e ‵tusa mo olotou kāiga, kae ko te tuakoi o te lotou tofi e oko atu eiloa ki Saliti. 11 E tele atu te lotou tuakoi ki te feitu ki togala ki Maleale ke oko atu ki Tapeseti ko tele ei ki te vanu i mua o Iokeneamo. 12 Kae mai Saliti ko tele ei ki te feitu ki saegala ki te tuakoi o Tisilota-tapola ko toe faka‵soko atu ei ki Tapelata,+ ko tele ei ki luga i Iafia. 13 Kae mai i konā ko toe tele atu ei ki te feitu ki saegala ki Kata-hefelu,+ ki Etikasina, ko tele ei ki Limoni ke oko atu eiloa ki Nea. 14 Kae toe mafuli a te tuakoi mai konā ki te feitu ki mātū o fano ki Hanatona, kae gata i te Vanu o Ifitaele, 15 mo Katata, Nalala, Similona,+ Itala mo Peteleema+​—e 12 a fakai mo olotou koga ‵nofo. 16 Tenei te tofi o tino ne ‵tupu mai i a Sepulona e ‵tusa eiloa mo olotou kāiga.+ Konei a fakai mo olotou koga ‵nofo.

17 A te vili i te fa+ ne tu atu ki a Isakala,+ ki tino ne ‵tupu mai i a Isakala e ‵tusa mo olotou kāiga. 18 A te lotou tuakoi e oko atu ki Ieseleelu,+ Tesulota, Sunema,+ 19 Hafalaima, Siono, Analata, 20 Lapita, Kisiona, Epesa, 21 Lemeta, Eganima,+ Enihata mo Petapasese. 22 E oko atu a te tuakoi ki Tapola+ mo Sasuma mo Peta-semese, kae ko te gataga o te lotou tuakoi ko te Iolitana​—e 16 a fakai mo olotou koga ‵nofo. 23 Tenei te tofi o te matakāiga o Isakala e ‵tusa eiloa mo olotou kāiga,+ ko fakai mo olotou koga ‵nofo.

24 A te vili i te lima+ ne tu atu ki te matakāiga o Asela+ e ‵tusa eiloa mo olotou kāiga. 25 Kae ko te lotou tuakoi ko Helekata,+ Hali, Petena, Akasafo, 26 Alamu-meleka, Amata mo Misala. E oko atu eiloa ki te feitu ki togala o fano ki Kalamelu+ ke oko atu ki Siola-lipinata, 27 ko toe foki mai ei ki te feitu ki togala ki Peta-takono ke oko atu ki Sepulona mo te Vanu o Ifitaele i te feitu ki mātū, o fano ki Petemeka mo Nielu, kae oko atu eiloa ki Kapulo i te feitu ki te fakamaui, 28 ke oko atu ki Epelona, Lehopa, Hamona mo Kanaha ke oko atu eiloa ki Saitonu Sili.+ 29 Ko toe foki ei te tuakoi ki Lama ke oko atu ki te fakai o Tulo+ telā e ‵pui faka‵lei. Ko toe foki ei te tuakoi ki Hosa kae gata i te tai i te kogā koga o Akasipa, 30 Uma, Afeka+ mo Lehopa+​—e 22 a fakai mo olotou koga ‵nofo. 31 Tenei te tofi o te matakāiga o Asela e ‵tusa eiloa mo olotou kāiga.+ Konei olotou fakai mo olotou koga ‵nofo.

32 A te vili i te ono+ ne tu atu ki tino ne ‵tupu mai i a Nafatali, ki tino ne ‵tupu mai i a Nafatali e ‵tusa eiloa mo olotou kāiga. 33 A te lotou tuakoi ko Helefo mai te lakau lasi i Sananima+ mo Ataminekepu mo Iamania ke oko atu ki Lakuma; kae gata i te Iolitana. 34 Ne toe foki te tuakoi ki te feitu ki togala o fano ki Asanota-tapola kae toe faka‵soko atu mai konā ki Hukoka ke oko atu ki Sepulona i te feitu ki saute ke oko foki ki Asela i te feitu ki togala mo Iuta i te Iolitana i te feitu ki saegala. 35 Kae ko fakai kolā e puipui faka‵lei ko Setimi, Selo, Hamaata,+ Lakata, Tinelete, 36 Atama, Lama, Hasola,+ 37 Ketesa,+ Etelei, Enasole, 38 Ilona, Mikitaleli, Holemi, Petanata mo Peta-semese+​—e 19 a fakai mo olotou koga ‵nofo. 39 Tenei te tofi o te matakāiga o Nafatali e ‵tusa eiloa mo olotou kāiga,+ ko fakai mo olotou koga ‵nofo.

40 A te vili i te fitu+ ne tu ki te matakāiga o Tanu+ e ‵tusa eiloa mo olotou kāiga. 41 Kae ko te tuakoi o te lotou tofi ko Sola,+ Esetaolo, Ilesemese, 42 Salapina,+ Aitialona,+ Itila, 43 Eloni, Timenata,+ Ekelona,+ 44 Eleteke, Kipetoni,+ Palata, 45 Ieuta, Penepelaka, Katalimoni,+ 46 Metiakono mo Lakono, a te tuakoi e saga atu ki Iopa.+ 47 Kae ko te koga o Tanu ko tō foliki ki a latou.+ Tenā ne olo aka ei latou o taua ki Leseme,+ puke ei ne latou kae ‵ta a tino i ei ki te pelu. Tenā ne puke ei mō latou te fakai kae ‵nofo i ei, kae ‵fuli ne latou te igoa ko Leseme ki a Tanu, ko te igoa o Tanu, te lotou tupuga.+ 48 Tenei te tofi o te matakāiga o Tanu e ‵tusa eiloa mo olotou kāiga. Konei olotou fakai mo olotou koga ‵nofo.

49 Ne palele atu te vaevaega ne latou o te fenua ki tofi e ‵tusa eiloa mo olotou kogā fenua. Tenā ne tuku atu ei ne tino Isalaelu ki a Iosua te tama tagata a Nuno se tofi mai i a latou. 50 E ‵tusa mo te fakatonuga a Ieova ne tuku atu ne latou ki a ia te fakai ne fakamolemole mai a ia ki ei, ko Timenata-sela,+ i koga maugā o Efalaima, kae ne faite ne ia te fakai tenā kae nofo i ei.

51 Konei a tofi ne vaevae+ ne Eleasalo te faitaulaga, Iosua te tama tagata a Nuno mo ulu o kāiga o matakāiga o Isalaelu i olotou tamana mai te faiga o se vili i Sailo+ i mua o Ieova, i te mataloa o te faleie o maopoopoga.+ Tenā ne palele ei te vaevaega o te fenua.