Iosua

20 Ne fai atu a Ieova ki a Iosua: 2 “Fai atu ki tino Isalaelu, ‘Fili aka mō koutou ne fakai faka‵lafi+ kolā ne fai atu ne au ki a koutou e auala i a Mose, 3 ko te mea ke mafai o tele ki ei a te tino telā ne tamate ne ia te suā tino i se auala fakafuasei io me i se mea tupu fakafuasei. Kae ka fai a fakai konā mo fai ne koga e faka‵lafi ei koutou mai te tino telā e taui ne ia te toto.+ 4 E ‵tau mo ia o tele ki se fakai e tasi mai fakai+ konei, ko tu ei i te mataloa+ o te fakai o fakamatala atu a te mea ne tupu ki toeaina o te fakai tenā. Ko talia ei ne latou a ia ki loto i te fakai kae tuku atu se koga mō ia kae ka ‵nofo a ia fakatasi mo latou. 5 Kafai e afuli a ia ne te tino telā e taui ne ia te toto, e se ‵tau o tuku atu ne latou a te tino ne mate ei te suā tino ki ana lima, me ne tamate ne ia tena tuakoi i se auala fakafuasei, kae ko ia ne seki takalialia muamua eiloa ki ei.+ 6 E ‵tau mo ia o nofo i te fakai tenā ke oko ki te taimi e fakamasino ei a ia i mua o te fakapotopotoga,+ kae nofo i konā ke oko eiloa ki te taimi e mate ei te faitaulaga sili+ i te taimi tenā. Tenā ko mafai ei o toe foki atu a te tino ne mate i ei te suā tino ki te fakai ne tele mai ei a ia, ko mafai ei o ulu atu a ia ki loto i tena fakai mo tena fale.’”+

7 Tenā ne fakatapu* ei ne latou a Ketesa+ i Kalilaia i koga maugā o Nafatali, ko Sekema+ i koga maugā o Efalaima, mo Kiliata-alapa,+ telā ko Hepelona i koga maugā o Iuta. 8 I kogā koga o te Iolitana, i te feitu ki saegala o Ieliko, ne fili ne latou a Pesela+ i te koga lavaki i te koga laugatasi mai te matakāiga o Leupena, ko Lamota+ i Kileata mai te matakāiga o Kato, mo Kolana+ i Pasana mai te matakāiga o Manase.+

9 Konei a fakai ne filifili aka mō tino Isalaelu katoa mo tino fakaa‵tea kolā e ‵nofo fakatasi latou, ko te mea ko so se tino telā ne tamate ne ia te suā tino i se auala fakafuasei, e mafai o tele ki ei+ ke se mate a ia i lima o te tino telā e taui ne ia te toto kae koi tuai o fai tena fakamasinoga i mua o te fakapotopotoga.+