31 “Ka fakasino ne au tou tuakoi mai te Tai Kula ke oko atu ki te Tai Metitilani,* kae mai te koga lavaki ke oko ki te Vaitafe;*+ me ka tuku atu ne au a tino o te fenua ki otou lima, kae ka afuli ne koe latou kea‵tea mai i otou mua.+ 32 E se ‵tau mo koe o fai se feagaiga mo latou io me ko olotou atua.+ 33 E se ‵tau o ‵nofo latou i tou fenua i te mea ma fai ne latou koe ke agasala mai ki a au. Kafai e tavini atu koe ki olotou atua, ka fai eiloa a te mea tenā mo fai se malei ki a koe.”+

3 E se ‵tau mo koe o avaga ki a latou. Sa tuku ne koe au tama fāfine ki olotou tama tāgata io me puke mai olotou tama fāfine ke a‵vaga mo au tama tāgata.+ 4 Me ka ‵fuli kea‵tea ne latou au tama tāgata ke se tau‵tali mai i a au kae ke tavini atu ki nisi atua;+ kae ka fakaoko atu ne Ieova tena kaitaua ki a koutou, kae ta fakavave ne ia koe.+

12 “Kae kafai e fulitua katoatoa atu koutou kae ‵piki ‵mau ki mea kolā koi ‵toe+ mai i atufenua konei koi ‵nofo mo koutou, kae a‵vaga+ koutou ki a latou kae ‵kau fakatasi mo latou kae ko latou foki mo koutou, 13 e ‵tau o mautinoa i a koutou me i a Ieova te otou Atua ka se tumau i te ‵tuli ne ia kea‵tea a atufenua konei mō koutou.+ Ka fai latou e pelā me se malei mo se matasele, kae pelā foki me se ‵kini e ‵kini ki ei otou kaokao+ kae se lakau talatala ki otou mata ke oko ki te taimi ko fakaseai atu ei koutou mai te fenua ‵lei tenei ne tuku atu ne Ieova te otou Atua ki a koutou.

2 Kae e se ‵tau mo koutou o fai feagaiga mo tino e ‵nofo i te laukele+ tenei kae e ‵tau o ofa ne koutou ki lalo a olotou fatafaitaulaga.’+ Kae ne seki faka‵logo koutou ki toku leo.+ Kaia ne fai ei ne koutou a te mea tenei? 3 Tenā te pogai ne fai atu ei au, ‘Ka se afuli eiloa ne au latou kea‵tea mai otou mua,+ kae ka malei ne latou koutou+ kae takitaki koutou kea‵tea ne olotou atua.’”+