Iosua

23 I te fia o aso mai tua o te tukuatuga ne Ieova se malōlōga+ ki Isalaelu mai olotou fili katoa i olotou tafa, kae ko Iosua ko matua eiloa kae ko toeaina foki,+ 2 ne fakamaopoopo mai ne Iosua a Isalaelu kātoa,+ olotou toeaina, olotou ulu o kāiga, olotou famasino, mo olotou ofisa+ kae fai atu ki a latou: “Au ko matua eiloa; ko toeaina foki. 3 Kae ko oti ne lavea ne koutou a mea katoa ne fai ne Ieova te otou Atua ki fenua konei mō koutou me ko Ieova te otou Atua ne taua atu mō koutou.+ 4 Kiloke, ko oti ne vaevae ne au e auala i te faiga o se vili+ a laukele o atufenua kolā ne ‵toe mai ke fai mo tofi o otou matakāiga,+ e pelā foki mo atufenua katoa kolā ne fakamasei+ ne au, mai te Iolitana ke oko atu ki te Tai Lasi* i te feitu ki togala. 5 Kae ko Ieova te otou Atua ko te tino ne afuli sāle ne ia latou kea‵tea mai i a koutou,+ kae ne ‵tuli ne ia latou kea‵tea ona ko koutou, kae ne puke ne koutou te lotou laukele, e ‵tusa eiloa mo te tautoga a Ieova te otou Atua ki a koutou.+

6 “Nei la, e ‵tau mo koutou o loto ‵toa o tausi kae tau‵tali ki mea katoa kolā e tusi i te tusi o te Tulafono+ a Mose kae ke mo a eiloa ma faka‵seke koutou ki te feitu fakaatamai io me ki te feitu fakamaui,+ 7 mai te se ‵kau fakatasi eiloa mo atufenua+ konei koi ‵toe i a koutou. E se ‵tau eiloa mo koutou o taku a igoa o olotou atua+ io me fai otou tautoga e auala i a latou, kae e se ‵tau mo koutou o tavini atu io me ifo atu ki mea konā.+ 8 Kae e ‵tau mo koutou o ‵piki ‵mau ki a Ieova te otou Atua,+ e ‵tusa eiloa mo te mea ko oti ne fai ne koutou ke oko mai ki te aso nei. 9 Ka ‵tuli kea‵tea ne Ieova a atufenua ma‵losi kae ‵mafi mai otou mua,+ me e seai se tagata ne mafai ne ia o tu i otou mua ke oko mai ki te aso nei.+ 10 E tokotasi fua te tagata mai i a koutou ka afuli kea‵tea ne ia te fia afe o tino,+ me i a Ieova te otou Atua e taua mō koutou,+ e ‵tusa eiloa mo tena tautoga ne fai ki a koutou.+ 11 Tela la, ke fakaeteete faeloa,+ kae ke a‵lofa ki a Ieova te otou Atua.+

12 “Kae kafai e fulitua katoatoa atu koutou kae ‵piki ‵mau ki mea kolā koi ‵toe+ mai i atufenua konei koi ‵nofo mo koutou, kae a‵vaga+ koutou ki a latou kae ‵kau fakatasi mo latou kae ko latou foki mo koutou, 13 e ‵tau o mautinoa i a koutou me i a Ieova te otou Atua ka se tumau i te ‵tuli ne ia kea‵tea a atufenua konei mō koutou.+ Ka fai latou e pelā me se malei mo se matasele, kae pelā foki me se ‵kini e ‵kini ki ei otou kaokao+ kae se lakau talatala ki otou mata ke oko ki te taimi ko fakaseai atu ei koutou mai te fenua ‵lei tenei ne tuku atu ne Ieova te otou Atua ki a koutou.

14 “Kiloke! Au nei ko pili o mate,* kae iloa ‵lei ne koutou mo otou loto kātoa mo otou ola* kātoa me e seai eiloa se pati e tasi mai tautoga ‵lei katoa ne fai atu ne Ieova te otou Atua ki a koutou e seki fakataunu. Ne taunu katoa eiloa. E seai eiloa se pati e tasi ne seki taunu.+ 15 Kae pelā eiloa mo tautoga ‵lei katoa ne fai atu ne Ieova te otou Atua ki a koutou ne taunu,+ ka fakaoko atu ne Ieova ki a koutou a mea ma‵sei katoa kolā ne tauto mai a ia ki ei kae ka fakaseai atu koutou mai te fenua ‵lei tenei ne tuku atu ne Ieova te otou Atua ki a koutou.+ 16 Kafai e ofa ne koutou te feagaiga a Ieova te otou Atua telā ne fakatonu atu ne ia ki a koutou ke tausi ki ei kae kafai e olo koutou o tavini ki nisi atua kae ifo atu ki mea konā, tenā ka kaitaua malosi ei a Ieova ki a koutou+ kae ka fakaseai fakavave atu koutou mai te fenua ‵lei telā ne tuku atu ne ia ki a koutou.”+