Esoto

37 Tenā ne faite ei ne Pesaleli+ te Pusa+ mai te lakau ko te akasia. E lua mo te āfa kupita* te loa kae tasi mo te āfa kupita te lauefa, kae tasi mo te āfa kupita te maluga.+ 2 Ne ufi ne ia ki te tinā aulo a te koga i loto mo te koga i tua kae fakatamilo ne ia se fusi aulo i ei.+ 3 Oti aka, faite ei ne ia a ligi aulo e fa i luga malie o ana vae e fa, e lua a ligi i tena feitu e tasi kae e lua a ligi i tena suā feitu. 4 Ne faite ne ia ana amo mai te lakau ko te akasia kae ufi atu ki te aulo.+ 5 Tenā ne faulu ei ne ia a amo ki loto i ligi i feitu o te Pusa ke amo ki ei a te Pusa.+

6 Ne faite ne ia te ‵pono ki te tinā aulo.+ E lua mo te āfa kupita te loa kae tasi mo te āfa kupita te lauefa.+ 7 Tenā ne faite ei ne ia a kelupi e lua+ i te avā mata o te ‵pono+ mai aulo kolā ne tukituki. 8 E tasi te kelupi i te mata e tasi, kae ko te suā kelupi i te suā mata. Ne faite ne ia a kelupi i te avā mata o te ‵pono. 9 Ne ‵fola ki luga a kapakau o te avā kelupi konā ko malu i ei te ‵pono o te pusa i lā kapakau.+ Ne fakafesagai lāua kae ‵fuli a lā mata ki te ‵pono.+

10 Tenā ne faite ei ne ia te taipola mai te lakau ko te akasia.+ E lua kupita te loa, e tasi te kupita te lauefa, kae tasi mo te āfa kupita te maluga.+ 11 Kae ne ufi ne ia ki te tinā aulo kae fakatamilo ne ia se fusi aulo i ei. 12 Oti aka, faite ei ne ia a kaugutu o te taipola e ‵tusa mo te lauefa o te alofilima* e tasi kae fakatamilo atu i ei, mo se fusi aulo e fakatamilo i te kaugutu. 13 E se gata i ei, ne faite ne ia e fa a ligi aulo kae faka‵piki atu a ligi ki ‵kōna e fa i te koga telā e faka‵piki ki ei a vae e fa. 14 A ligi konā e ‵pili ki te kaugutu, ke faulu ki ei a amo kolā e fakaaoga mo amo a te taipola. 15 Tenā ne faite ei ne ia a amo mai te lakau ko te akasia kae ufi atu ki te aulo mō amo a te taipola. 16 Oti aka, faite ei ne ia ki te tinā aulo a meāfale kolā e tuku i luga i te taipola​—ko ana tīsi, ana ipu, ana pōla mo ana sioki kolā e ‵ligi ki ei a taulaga o meainu.+

17 Tenā ne faite ei ne ia te tugamoli+ ki te tinā aulo. Ne faite ne ia te tugamoli ki aulo kolā ne tukituki. A tena tulaga, tena foitino, ana ipu, ana moe mo ana pula se vaega eiloa e tasi.+ 18 E ono a kaula ne faka‵piki ki tena foitino, e tolu a kaula o te tugamoli i te feitu e tasi kae e tolu a kaula i te suā feitu. 19 E tolu a ipu e pelā mo pula o te alamoni i luga i kaula e tolu i te feitu e tasi, ko fakasolo atu ei a moe mo pula, kae i te suā feitu e tolu foki a ipu e pelā mo pula o te alamoni i luga i kaula e tolu, ko fakasolo atu ei a moe mo pula. Ne fai eiloa penei ki kaula e ono kolā e ‵piki ki te foitino o te tugamoli. 20 Kae i luga i te foitino o te tugamoli e fa a ipu e pelā mo pula o te alamoni, ko fakasolo atu ei ana moe mo ana pula. 21 E isi se moe mai lalo o te avā kaula muamua kolā e ‵piki ki te foitino mo se moe mai lalo o te suā avā kaula mo se moe mai lalo o te suā avā kaula, mō kaula e ono kolā e ‵piki ki te foitino o te tugamoli. 22 A moe mo kaula mo te tugamoli kātoa ne faite ki se vaega e tasi o te tinā aulo telā ne tukituki. 23 Tenā ne faite ei ne ia ana moli e fitu+ mo ana sikofi mo ana mea tuku malala ‵ka ki te tinā aulo. 24 Ne faite ne ia te tugamoli fakatasi mo ana meāfale katoa, mai se taleni* e tasi o te tinā aulo.

25 Ne faite ne ia te fatafaitaulaga o mea ma‵nogi+ mai te lakau ko te akasia. E sikuea, e tasi te kupita te loa, e tasi te kupita te lauefa kae lua kupita te maluga. Ne ‵piki foki ki ei ana suki.+ 26 Ne ufi ne ia te fatafaitaulaga ki te tinā aulo, tena koga i luga, ana feitu katoa, mo ana suki, kae ne fakatamilo ne ia se fusi aulo i ei. 27 Ne faite ne ia ne ligi aulo e lua mai lalo i kaugutu o feitu e lua kolā e fakafesagai mo tuku a amo kolā e sau ki ei te fatafaitaulaga. 28 Oti aka, faite ei ne ia a amo mai te lakau ko te akasia kae ufi atu ki te aulo. 29 Ne faite foki ne ia te sinu tapu+ mo faū a tino, mo te tinā mea manogi+ telā ne palu faka‵lei.*