Numela

33 Konei a malaga a tino Isalaelu i te taimi ne olo kea‵tea ei latou mai te fenua o Aikupito+ i olotou potukau*+ mai lalo i te takitakiga a Mose mo Alona.+ 2 Ne fakamau faeloa ne Mose a koga ne tiaki ne latou i te lotou malaga e ‵tusa mo te fakatonuga a Ieova, kae konei olotou malaga mai te koga e tasi ki te suā koga:+ 3 Ne tiaki ne latou a Lamese+ i te masina muamua, i te po 15 o te masina muamua.+ I te aso eiloa mai tua o te Paseka+ ne olo kea‵tea ei a tino Isalaelu mo te loto malosi* i mua o tino Aikupito katoa. 4 I te taimi foki eiloa tenā, ne tanu ne tino Aikupito olotou toekimua katoa kolā ne tamate ne Ieova,+ me ne fakaoko atu ne Ieova te fakamasinoga ki olotou atua.+

5 Tenā ne tiaki ei ne tino Isalaelu a Lamese kae olo o ‵nofo i Sukota.+ 6 Ne tiaki ne latou a Sukota kae olo atu o ‵nofo i Etamo+ telā e tu i te mata o te koga lavaki. 7 Oti aka, tiaki ei ne latou a Etamo kae ‵foki atu ki Pe-hailota, telā e lavea atu i ei a Paala-sefono,+ kae ne olo latou o ‵nofo i mua o Mikitolo.+ 8 Oti aka, tiaki ei ne latou a Pe-hailota kae olo atu i loto i te tai+ ki te koga lavaki,+ sa‵sale atu ei i aso e tolu i te koga lavaki o Etamo+ kae olo o ‵nofo i Mala.+

9 Tenā ne tiaki ei ne latou a Mala kae olo atu ki Elima. I Elima e isi ne vaipuna e 12 mo lakau ko pama e 70, tenā ne ‵nofo ei latou i konā.+ 10 Oti aka, tiaki ei ne latou a Elima kae olo o ‵nofo i tafa o te Tai Kula. 11 Mai tua ifo, tiaki ei ne latou te Tai Kula kae olo o ‵nofo i te koga lavaki o Sini.+ 12 Tenā ne tiaki ei ne latou a te koga lavaki o Sini kae olo o ‵nofo i Tofaka. 13 Fakamuli ifo, tiaki ei ne latou a Tofaka kae olo o ‵nofo i Alusa. 14 Ne tiaki ne latou a Alusa kae olo o ‵nofo i Lefiti,+ te koga telā e seai ne vai i ei mo inu a tino. 15 Mai tua ifo, tiaki ei ne latou a Lefiti kae olo o ‵nofo i te koga lavaki o Sinai.+

16 Ne tiaki ne latou a te koga lavaki o Sinai kae olo o ‵nofo i Kipelota-hatava.+ 17 Tenā ne tiaki ei ne latou a Kipelota-hatava kae olo o ‵nofo i Haselota.+ 18 Mai tua ifo, tiaki ei ne latou a Haselota kae olo o ‵nofo i Litima. 19 Oti aka, tiaki ei ne latou a Litima kae olo o ‵nofo i Limoni-pelesi. 20 Tenā ne tiaki ei ne latou a Limoni-pelesi kae olo o ‵nofo i Lipina. 21 Ne tiaki ne latou a Lipina kae olo o ‵nofo i Lisa. 22 Oti aka, tiaki ei ne latou a Lisa kae olo o ‵nofo i Kelata. 23 Tenā ne tiaki ei ne latou a Kelata kae olo o ‵nofo i te Mauga o Saipela.

24 Mai tua ifo, tiaki ei ne latou a te Mauga o Saipela kae olo o ‵nofo i Halata. 25 Tenā ne tiaki ei ne latou a Halata kae olo o ‵nofo i Makelota. 26 Oti aka, tiaki+ ei ne latou a Makelota kae olo o ‵nofo i Tahata. 27 Mai tua ifo, tiaki ei ne latou a Tahata kae olo o ‵nofo i Tala. 28 Tenā ne tiaki ei ne latou a Tala kae olo o ‵nofo i Mitaka. 29 Fakamuli ifo, tiaki ei ne latou a Mitaka kae olo o ‵nofo i Hasamona. 30 Oti aka, tiaki ei ne latou a Hasamona kae olo o ‵nofo i Mosela. 31 Tenā ne tiaki ei ne latou a Mosela kae olo o ‵nofo i Peniakana.+ 32 Kae ne tiaki ne latou a Peniakana kae olo o ‵nofo i Holo-hakita. 33 Oti aka, tiaki ei ne latou a Holo-hakita kae olo o ‵nofo i Iotapata.+ 34 Fakamuli ifo, tiaki ei ne latou a Iotapata kae olo o ‵nofo i Apalona. 35 Tenā tiaki ei ne latou a Apalona kae olo o ‵nofo i Esionikepa.+ 36 Mai tua ifo, tiaki ei ne latou a Esionikepa kae olo o ‵nofo i te koga lavaki o Siina,+ telā ko Katesa.

37 Fakamuli ifo, tiaki ei ne latou a Katesa kae olo o ‵nofo i te Mauga o Holo,+ i te tuakoi o te fenua ko Etoma. 38 Kae ne fanaka a Alona te faitaulaga ki te Mauga o Holo e ‵tusa mo te fakatonuga a Ieova kae mate atu i konā i te 40 tausaga mai tua o te tiakinaga ne tino Isalaelu a te fenua o Aikupito, i te lima o masina, i te po muamua o te masina.+ 39 E ‵tusa mo te 123 tausaga o Alona i te taimi ne mate ei a ia i te Mauga o Holo.

40 A te tupu o Alata,+ te tino Kanana telā e nofo i Nekepi i te fenua o Kanana, ne logo i tino Isalaelu ko olo atu.

41 Fakamuli ifo, ne tiaki ne latou a te Mauga o Holo+ kae olo o ‵nofo i Saleimona. 42 Mai tua ifo, tiaki ei ne latou a Saleimona kae olo o ‵nofo i Pinono. 43 Oti aka, tiaki ei ne latou a Pinono kae olo o ‵nofo i Opoto.+ 44 Tenā ne tiaki ei ne latou a Opoto kae olo o ‵nofo i Aiapalima,* telā e tuakoi mo Moapi.+ 45 Fakamuli ifo, ne tiaki ne latou a Laima kae olo o ‵nofo i Tipono-kato.+ 46 Mai tua ifo, tiaki ei ne latou a Tipono-kato kae olo o ‵nofo i Alemoni-tepelataimo. 47 Tenā ne tiaki ei ne latou a Alemoni-tepelataimo kae olo o ‵nofo i mauga o Apalima+ mai mua o Nepo.+ 48 Oti aka loa, tiaki ei ne latou a mauga o Apalima kae olo o ‵nofo i te koga laugatasi o Moapi i tafa o te Iolitana i Ieliko.+ 49 Ne ‵nofo eiloa latou i tafa o te Iolitana, mai Peta-iesimota ke oko atu ki Apelu-sitima+ i koga laugatasi o Moapi.

50 Ne faipati atu a Ieova ki a Mose i te koga laugatasi o Moapi i tafa o te Iolitana i Ieliko, ana muna: 51 “Faipati ki tino Isalaelu kae fai atu ki a latou, ‘A koutou ka olo ki te suā feitu o te Iolitana ki loto i te fenua o Kanana.+ 52 E ‵tau o afuli kea‵tea ne koutou a tino katoa o te fenua mai otou mua, kae fakamasei atu olotou tupua fatu+ mo olotou tupua fiti+ katoa, kae e ‵tau o ofa ne koutou olotou koga ma‵luga kae tapu katoa.+ 53 Kae ka puke mō koutou a te fenua kae ‵nofo i ei, me ka tuku atu eiloa ne au a te fenua tenā ke fai mō koutou.+ 54 E ‵tau o vaevae ne koutou te fenua mō otou kāiga mai te faiga o te vili.+ E ‵tau o lasi te tofi e tuku atu ki potukau kolā e tokouke, kae fakafoliki te tofi o potukau kolā e mu‵tana. Ko te koga e tu ki ei te vili tenā foki eiloa te tofi o te tino.+ Ka maua ne koutou otou manafa e pelā me se tofi mai matakāiga o otou tamana.+

55 “‘Kafai e se afuli kea‵tea ne koutou a tino o te fenua mai otou mua,+ a latou kolā e talia ne koutou ke ‵toe mai ka fai pelā me ne mea faka‵mae ki otou mata mo mea makai‵kai ki otou feitu, kae ka fakalavelave atu latou ki a koutou i te fenua ka ‵nofo koutou i ei.+ 56 Kae ka fai ei ne au ki a koutou a te mea telā ne mafaufau au o fai ki a latou.’”+