Ielemia
20 A Pasula te tama tagata a Imela, te faitaulaga, telā ko te takitaki pule foki i te fale o Ieova, ne fakalogologo mai i te taimi ne ‵valo ei ne Ielemia a mea konei. 2 Tenā ne ta* ei ne Pasula a Ielemia te pelofeta kae ‵loka a ia ki mea ‵loka vae+ i te Mataloa o Peniamina i te Feitu ki Luga, i te fale o Ieova. 3 Kae i te suā aso i te taimi ne ‵tala ei ne Pasula a Ielemia mai i mea ‵loka vae, ne fai atu a Ielemia ki a ia:
“Ko oti ne fakaigoa koe ne Ieova ki te Mataku i Koga Katoa kae e se ko Pasula.+ 4 Me konei a pati a Ieova ne fai mai, ‘Ka fai ne au koe e pelā me se mea fakamataku ki a koe eiloa mo ou taugasoa katoa, kae ka pa‵kū latou e auala i te pelu a olotou fili kae e kilo‵kilo atu eiloa otou mata ki ei;+ kae ka tuku atu ne au a Iuta kātoa ki lima o te tupu o Papelonia, kae ka ave fakapagota ne ia latou ki Papelonia kae tamate foki latou ki te pelu.+ 5 Kae ka tuku atu ne au a te maumea kātoa o te fakai tenei, ana koloa katoa, ana mea tāua katoa, mo koloa tāua katoa o tupu o Iuta ki lima o olotou fili.+ Kae ka kaisoa ne latou a mea konā kae puke ne latou kae ave ne latou ki Papelonia.+ 6 Kae e pelā mo koe e Pasula, mo tino katoa e ‵nofo i tou fale, a koutou ka ave fakapagota. A koe ka ave ki Papelonia kae mate i ei, kae ka tanu koe i ei fakatasi mo ou taugasoa katoa, me ne fakaloiloi ne koe latou ki au valoaga ‵loi.’”+
7 Ne fakakolekole ne koe au, e Ieova, kae ne tosina au ki ei.
Ne fakaaoga ne koe tou malosi o ‵teke au, kae ne manumalo koe.+
Ne fai au e pelā me se mea fai fa‵kata i te aso kātoa;
A tino katoa e fakatauemu ki a au.+
8 Me i so se taimi e faipati ei au, e ‵tau mo au o kalaga kae folafola atu,
“Fakasauaga mo te fakamaseiga!”
Ki a au eiloa a muna a Ieova ko te pogai o fakamaseiga mo fakatauemuga i te aso kātoa.+
9 Tenā ne fai atu ei au: “Ka se toe takutaku ne au a ia,
Kae ka se toe faipati atu au i tena igoa.”+
Kae i loto i toku loto e fai pelā me se afi e ‵ka kae e taofi aka i loto i oku ivi,
Kae ne fi‵ta au i te taofiga o te mea tenā;
Ko se mafai eiloa ne au o kufaki.+
10 Me ne logo au i tala sē ‵tonu kae matagā e uke;
Ne fakatamilo au ne te mataku.+
“Taku fakamasei a ia; ke taku fakamasei ne tatou a ia!”
So se tagata telā e fakamanuia mai ke maua ne au te filemu ne nofo o kilokilo ki te taimi ka pakū ei au:+
“E se taumate ka fai ne ia se mea valea,
Ko manumalo ei tatou kae toe taui atu ki a ia.”
11 Kae ko Ieova ne fakatasi mai ki a au e pelā me se toa fakamataku.+
Tenā te pogai e ‵siga kae e se manumalo ei a latou kolā e fakasaua mai ki a au.+
Ka fakamasiasi malosi latou, me ka se manuia latou.
Ka se mafai o fakapuli atu a te lotou masiasi ki te se-gata-mai.+
12 Kae ko koe e Ieova o kautau, e iloilo ne koe a tino amio‵tonu;
E lavea ne koe a toe mafaufauga ‵loto* fakatasi mo te loto.+
13 Usu pese atu ki a Ieova! ‵Viki atu ki a Ieova!
Me ne fakasao ne ia te tino mativa mai i lima o tino amio matagā.
14 Ke malaia te aso ne fanau ei au!
Ke seai se fakamanuiaga e maua ne te aso ne fanau ei toku mātua i a au!+
15 Ke malaia te tagata ne aumai ne ia te tala gali ki toku tamana, ana muna:
“A tau tama ne fanau mai se tagata, se tamaliki tagata!”
Kae fai ei a ia ke fiafia malosi.
16 A te tagata tenā ke fai eiloa e pelā mo fakai kolā ne ‵pei kea‵tea ne Ieova e aunoa mo te salamō.
Fai ke lagona ne ia te kalaga i te tafataeao mo te tagi o te pu i te tutonu.
17 Kaia ne seki tamate atu ei ne ia au i te moegatama,
Ko te mea ke fai toku mātua mo fai toku tanuga
Kae ke faitama faeloa a tena moegatama?+
18 Kaia ne vau ei au ki tua mo te moegatama
Ke lavea ne au a fakalavelave mo te fanoanoa,
Ke palele atu oku aso i te masiasi?+