Ne a Pati i te Tusi Tapu?
Ne a mea e ‵tupu māfai ko ‵mate tatou?
E TALI‵TONU A NISI TINO me ka ola tatou i se foitino fakaa‵tea, kae ko nisi tino e tali‵tonu me i te mate ko te gataga o mea katoa. Se a te mea e talitonu koe ki ei?
FAKAMATALAGA MAI I TE TUSI TAPU
“Tino ‵mate e seai se mea a latou e iloa.” (Failauga 9:5) I te taimi ko ‵mate ei tatou, ko gata atu foki loa i ei ‵tou ola.
NISI MEA E TAULOTO NE TATOU MAI TE TUSI TAPU
A te tagata muamua ko Atamu, ne foki atu eiloa a ia ki te laukele i te taimi ne mate ei tou tagata. (Kenese 2:7; 3:19) E penā foki a nisi tino māfai ko ‵mate, e ‵foki atu foki latou ki te laukele.—Failauga 3:19, 20.
A tino kolā ko ‵mate ko oti ne fakasaoloto mai olotou agasala. (Loma 6:7) E seai eiloa se isi fakasalaga o te agasala mai tua o te mate.
E mafai o toe ola mai a tino ‵mate?
SE A TAU TALI?
Ao
Ikai
Kāti la
FAKAMATALAGA MAI I TE TUSI TAPU
“Me ka toe‵tu mai a tino.”—Galuega 24:15.
NE A NISI MEA E MAFAI O TAULOTO MAI TE TUSI TAPU?
E fakatusa ne te Tusi Tapu a te mate ki te moe. (Ioane 11:11-14) E mafai o ‵fagu mai ne te Atua a tino ‵mate, e pelā eiloa mo te mafai ne tatou o ‵fagu ne tatou a te tino telā e moe.—Iopu 14:13-15.
E maua i te Tusi Tapu a tala e uiga ki te faka‵tuga o tino mai te mate, tela la, e tuku mai ei se fakavae tonu ke tali‵tonu me i tino ‵mate e mafai eiloa o toe‵tu mai.—1 Tupu 17:17-24; Luka 7:11-17; Ioane 11:39-44.