Māfai ko sē Mafai o Fa‵ki i te Olaga

E pelā me se fakaakoakoga, a Sally,a i Amelika, telā ne ‵galo atu te ukega o ana kope i se alikeni, ne fai mai penei: “Ko se mafai ne au o kufaki i aso e uke ki mea e manavase au ki ei.”

Kae e a māfai ko mate atu sou tino pele? Ne fai mai a Janice, i Ausetalia, penei: “I te taimi ne ‵galo atu ei aku tama tāgata tokolua, a toku olaga ne fai pelā me ne kilasi kolā ne ma‵fā likiliki, ne vāivāi eiloa au kae ne taumafai malosi eiloa au o fakamalosi. Ne akai atu au ki te Atua: ‘Fakamolemole, ko se mafai ne au o fa‵ki i toku logo‵mae! Tuku mai ke na moe atu fua au i te mate. Au ko se manako ke toe ‵pula aka oku mata.’”

I te suā feitu, a Daniel, ne logo‵mae ‵ki i te taimi ne seki fakamaoni i ei tena avaga ki a ia. Ne fai mai a ia penei: “I te taimi ne fakatoese mai ei taku avaga me ne seki fakamaoni a ia, ne pelā eiloa me se naifi ne ‵suki ne ia toku fatu. Ne logo‵mae faeloa toku loto i taimi e uke—ne lau i masina e uke.”

A te lōmiga tenei o Te Faleleoleo Maluga ka sau‵tala loa e uiga ki te auala e aoga ei te olaga māfai

• Ko tupu se fakalavelave o te natula

• Ko galo atu sou tino pele i te mate

• Ko sē fakamaoni tau avaga

• Ko fakafesagai atu koe ki se masaki matagā

• Ko sē mafai o fa‵ki i te olaga

Tela la, a te mea muamua, e mafai pefea o kufaki tatou māfai ko fakafesagai atu tatou ki fakalavelave o te natula?