Se Fesili Ke Mafaufau Ki Ei

◼ E ‵tau o pefea te leva e suke‵suke fakatasi ei tatou mo se akoga faka-te-Tusi Tapu telā e gasolo ki mua?

Se mea ‵lei ke tumau i te faiga o te sukesukega mo se akoga faka-te-Tusi Tapu ke oko eiloa ki te taimi ko palele ei ana tusi e lua—Ne a Mea e Akoako ‵Tonu Mai i te Tusi Tapu? mo te Ke Tumau “i te Alofa o te Atua.” E fai foki eiloa penei māfai ko papatiso a te tamaliki akoga a koi tuai o palele ana tusi e lua. Mai tua o tena papatisoga e mafai o tumau eiloa tatou i te lipoti atu o te taimi, toe asiga, mo te akoga faka-te-Tusi Tapu. Kafai e kau mai se tino talai ki a tatou kae e aofia foki i te faiga o te akoga, e mafai foki o lau ne ia a te taimi.—Ke onoono ki Te ‵Tou Galuega Talai i a Mati 2009, te itulau e 2.

Se mea tāua ‵ki ke maua se fakavae ‵lei mō tino ‵fou i te munatonu a koi tuai o taofi aka te lotou akoga faka-te-Tusi Tapu. E ‵tau o ‘‵mau olotou aka’ i a Keliso kae ‘ati ake foki i te fakatuanaki’ ko te mea ke mafai o fakafesagai atu ki tofotofoga kolā e fe‵paki mo latou. (Kolose 2:6, 7; 2 Timo. 3:12; 1 Pe. 5:8, 9) E se gata i ei, ke akoako atu a nisi tino i se auala magoi, e ‵tau o “iloa foki ne latou te munatonu.” (1 Timo. 2:4) Mai i te fakaotiga o tusi e lua mo tau akoga faka-te-Tusi Tapu, e fesoasoani atu tatou ki a latou ke maua se fakavae ‵mautakitaki i “te auala e tau atu ki te ola.”—Mata. 7:14.

A koi tuai o talia se tino ke papatiso, e ‵tau o fakamautinoa aka ne te kau toeaina me i a ia ko malamalama faka‵lei i akoakoga kamata o te Tusi Tapu kae ko ola foki e ‵tusa mo mea konā. E ‵tau foki o momea aka te fakaeteete o toeaina māfai ko mafaufau ki se tino telā e seki palele tena tusi muamua ne sukesuke ki ei. Kafai e seki toka se tino mō te papatisoga, ka fakamautinoa aka ne te kau toeaina me e maua ne ia se fesoasoani fakapito ko te mea ke fetaui ‵lei a ia mō te papatisoga.—Ke onoono ki te tusi ko te Organized to Do Jehovah’s Will, te itulau e 217-218.

[Blurb on page 2]

E tāua eiloa ke maua ne tino ‵fou se fakavae ‵lei i te munatonu