“E Lau Aka Pefea Oku Itula?”

E mata, kai ‵sili aka eiloa ne koe a te fesili tenā? E maua eiloa a fakatakitakiga fakavae e uiga ki ei i te itulau e 86-87, te itulau e 6, te palakalafa e 1 ki te itulau e 7, te palakalafa e 1, o te tusi ko te Fakatoka. E tuku mai foki i nisi taimi a fakatakitakiga fakaopoopo, e pelā mo te mea e maua i te Se Fesili ke Mafaufau ‵Loto ki ei i Te ‵Tou Galuega Talai i a Setema 2008. E tiga eiloa te kese‵kese o fakanofonofoga, e seki tuku mai ki a tatou se fakasologa loa o tulafono. Tela la, se mea sē ‵lei mō toeaina io me ko nisi tino ke fai ne latou a fakatakitakiga fakaopoopo.

Kafai e sae aka se fesili kae e seai se fakatakitakiga e maua i ‵tou tusi kolā ne ‵lomi, e mafai o mafau‵fau faka‵lei penei a tino talai katoa: E mata, ne fakamāumāu te taimi tenā i te galuega talai? Io me ne fakamāumāu ki se mea fakaa‵tea telā e se aofia i te vaega o te galuega tenā? A mea e tusi ne tatou i ‵tou lipoti mō te galuega talai i masina takitasi e ‵tau o maua i ei ne tatou a te fiafia kae e se ‵tau o ma‵sei i ei a ‵tou loto lagona. (Galu. 23:1) E tonu, a te mea muamua e manava‵se tatou ki ei, e se ko te lauga o ‵tou itula, kae ko te fakaaogaga faka‵lei o te taimi mai i te ga‵lue malosi i te galuega talai.—Epe. 6:11.