Pati Fakatomua Fesoasoani

Ke Kamata a A‵koga Faka-te-Tusi Tapu i te Aso Ono Muamua i a Fepuali

“E mafau‵fau a nisi tino me i te Tusi Tapu se tusi o valoaga telā e fakatalitonugina. E mafau‵fau a nisi tino me e se aoga a mea kolā e ‵valo mai i ei i auala kese‵kese e uke. Se a tau faka‵tau ki ei?” Faka‵tali ki se tali. Ko tuku atu ei ki te tino i te fale a te Faleleoleo Maluga i a Fepuali 1, kae mafau‵fau fakatasi ki te mataupu mai lalo i te ulutala foliki muamua i te itulau e 11 mo se tusi siki e tasi. Ke ofo atu a mekesini, kae fakatoka ke toe foki atu o sau‵tala ki te suā fesili.

Te Faleleoleo Maluga Ianuali 1

“E fanoa‵noa malosi eiloa a tino e tokouke māfai ko tupu se fakalavelave. Se a tau faka‵tau ne a mea e mafai o fai ne se tino ke mafai ne ia o fa‵ki? [Faka‵tali ki se tali.] Mafaufau la ki pati i te Tusi Tapu i te Faataoto 22:3. [Faitau.] E mafai pefea o fakagalue aka ne koe a te akoakoga fakavae tenei i te fakafesagai atu ki fakalavelave ‵tupu? E fakaasi mai eiloa ne te mekesini tenei a te auala ke fai penā.” Ke fakaaoga te mataupu i te itulau e 6 o te mekesini tenei.

Te Faleleoleo Maluga Fepuali 1

“E uke ‵ki eiloa a mea e mafai o tauloto ne tatou mai i tāgata mo fāfine takutakua i tala fakasolopito. E mata, e lotomalie koe ki ei? [Faka‵tali ki se tali.] E fakasino atu eiloa a te fuaiupu tenei ki te tagata sili, ko te tino fua e tokotasi telā ne taku i te Tusi Tapu ki ‘te taugasoa o te Atua.’ [Faitau te Iakopo 2:23.] E fakamatala mai i te mekesini tenei a te pogai ne kilo atu ei a te Atua ki a ia me ko tena taugasoa kae e fakaasi mai foki i ei a mea e mafai o tauloto ne tatou mai i te fakaakoakoga a Apelaamo.”