E a, e ‵Tau Foki o Fakagata Tau Galuega Talai?

I te taimi e ‵kau atu ei ki te galuega talai, e isi eiloa se taimi masani ko oti ne fakatoka ne nisi tino talai ke fakagata aka ei te lotou galuega talai. E tonu, ona ko nisi fakanofonofoga, e manakogina ne nisi tino talai ke fakagata te lotou galuega talai i se taimi mautinoa. Kae e mata, e fakagata ne koe tau galuega talai ona ko nisi tino i tau potukau ko fakagata foki io me se faifaiga masani i tou kogā koga ke fakagata i se taimi mautinoa? E mata, e mafai ne koe o tai nofo leva atu i te galuega talai mō ne nai minute kae talai atu i nisi koga talai kolā e sologina ne tino, e pelā mo te talai atu i auala? E mata, e mafai o fai se toe asiga e tasi io me lua i tou auala ki te fale? Mafaufau ki te uke o mea ‵lei e mafai o iku mai māfai e maua ne koe se tino fiafia i te fale io me tuku atu ne koe ne mekesini ki se tino e fetaui mo koe! Kafai e se fakagata aka te ‵tou ‵kau atu ki te galuega talai i se taimi mautinoa kae fakaopoopo atu a nai minute e fanatu ei koe i te galuega talai, a te mea tenā se auala faigofie ke momea aka ‵tou “taulaga o vikiga.”​—Epe. 13:15.