Ne Fesoasoani Atu a Eseta ki a Ieova mo Ana Tino e Aunoa mo te Kaimanako

Ne loto toa kae sē uiga kaimanako a Eseta i te ‵puluga o Ieova mo ana tino

8:3-5, 9

• Ne saogalēmū a Eseta mo Moletekai. Kae ko salalau atu eiloa a te fakatonuga a Hamanu ke tamate a te kau Iutaia i feitu e fa o te emupaea

• Ne toe fakamataku te ola o Eseta, mai te fanatuga ki mua o te tupu. Ne tagi atu a ia mō ana tino kae fakamolemole atu ki te tupu ke toe ‵fuli aka te fakatonuga matagā tenā

• E se mafai eiloa o toe ‵fuli a tulafono kola ko oti ne fai i te igoa o te tupu. Tela la, ne tuku atu ne te tupu ki a Eseta mo Moletekai a te malosi ke toe fai se tulafono fou

Ne tuku atu ne Ieova ki ana tino se manumalo sili

8:10-14, 17

• Ne toe fai te lua o tulafono, kae tuku atu ki te kau Iutaia a te saolotoga ke taua atu o ‵pulu latou

• Ne ‵tele fakavave atu a avefekau i luga i solofanua ki feitu katoa o te emupaea, kae ne fakatoka ei a te kau Iutaia mō te taua

• Ne lavea ne tino e tokouke a fakamaoniga o te fesoasoani atu o te Atua kae ne ‵fuli ei latou ki te lotu Iutaia