Fono ‵Lasi i te Tausaga—Se Avanoaga ke Fakaasi Atu te Alofa

Kaia e fia‵fia malosi ei tatou ki ‵tou fono ‵lasi i tausaga? E pelā mo tino Isalaelu i aso mua, a fono ‵lasi i ‵tou aso nei e tuku mai ei se avanoaga ke tapuaki tatou ki a Ieova fakatasi mo taina tali‵tonu kolā e lau i selau, io me i taki tokoafe. E fia‵fia tatou ki ‵kaiga kolā e maua i ei a mea‵kai faka-te-agaga e uke. E fakatāua foki ne tatou a taimi ‵gali kolā e fakatasitasi ei tatou mo taugasoa mo ‵tou kāiga. A te lasi o ‵tou loto fakafetai e fai ei ke ‵kau atu tatou ki aso e tolu o te fono lasi.

Kafai e maua ne tatou a avanoaga ke ‵kau fakatasi, e se mafau‵fau fua tatou ki mea kolā e mafai o maua ne tatou kae mafau‵fau foki tatou ki auala e mafai ei o fakaasi atu te alofa ki nisi tino. (Kal 6:10; Epe 10:24, 25) Kafai e ‵tala atu ne tatou se mataloa ki se taina io me se tuagane io me taofi fua a nofoga kolā e ma‵nako tatou ki ei, e fakaasi atu ne tatou me fakatāua ne tatou a manakoga o nisi tino. (Fpi 2:3, 4) E tuku mai ne fono ‵lasi se avanoaga gali ke maua ‵tou taugasoa ‵fou. Mai mua io me mai tua o oti te polokalame io me ko taimi ‵kai i te tutonu, se mea gali ke taumafai tatou o fakamasani ki se tino telā e se iloa ne tatou. (2Ko 6:13) A va fakataugasoa kolā e ati aka ne tatou i vaegā taimi penei e mafai o tumau ki te se-gata-mai! Kae sili i mea katoa, kafai e lavea ne nisi tino a te alofa tonu telā e fakaasi ne tatou, ka fai ei ke ‵kau mai foki latou o tavini ki a Ieova.—Ioa 13:35.

ONOONO KI TE VITIO “TE ALOFA E SE MAFAI O GATA”! TE FONO ‵KAUFAKATASI O ATUFENUA, KAE TALI A FESILI KONEI:

• 

  Ne fakaasi atu pefea te alofa ki tino kolā ne ‵kau atu ki fono ‵kaufakatasi o atufenua i te 2019?

• 

  Kaia ne tu ‵kese i ei a te alofa mo te ‵kaufakatasi i tino o Ieova?

• 

  Ne a vaega o te alofa faka-Kelisiano ne faka‵mafa mai ne tino o te Potukau Pule?

• 

  Ne fai pefea ne te alofa faka-Kelisiano ke ‵kaufakatasi a taina i Siamani mo Kolea ki Saute?

• Se a te mea e ‵tau o fakaiku aka ne tatou ke fai?