Ko Taunu Eiloa a Mea Kolā e ‵Valo Mai ne te Tusi Tapu

E se tuku mai fua ne te Tusi Tapu a tala ‵tonu o mea kolā ne ‵tupu i aso ko ‵teka kae e fakaasi mai foki i ei a mea ka ‵tupu i aso mai mua nei. E se mafai o ‵valo mai ne tino a mea ka ‵tupu i aso mai mua. Tenā eiloa te pogai e iloa ei ne tatou me i te Tusi Tapu se tusi mai te Atua. Ne a mea e fai mai ne te Tusi Tapu e uiga ki aso mai mua?

E fai mai i ei e uiga ki se taua lasi a te Atua. I te taua tenei ka faka‵mā ei ne te Atua a te lalolagi mai amioga ma‵sei mo tino ma‵sei katoa, kae ka puipui ne ia a tino kolā e tavini atu ki a ia. Ka fai ne te tupu a te Atua, ko Iesu Keliso, a mea kolā e manakogina ke maua ne tavini a te Atua te filemu mo te fiafia, kae ke se toe ma‵saki io me ‵mate latou.

E mafai o fia‵fia tatou me ka fai ne te Atua se palataiso fou i te lalolagi, i ne? Kae e ‵tau o fai ne tatou se mea ko te mea ke ola tatou i te palataiso tenā. I te ‵toe tala o te tusi tenei ka tau‵loto tatou ki mea kolā e ‵tau o fai ne tatou ke maua a mea fakaofoofogia kolā e fakatoka ne te Atua mō tino kolā e tavini atu ki a ia. Tela la, faitau ki te Vaega e VALU ke iloa aka a mea kolā e ‵valo mai ne te Tusi Tapu mō aso mai mua.