VAEGA I TE 10
Ne a Fakamanuiaga ka Maua ne Latou Kolā e Faka‵logo ki te Atua?
Te tokoukega o tino ‵mate ka toe faka‵tu mai ki te lalolagi. Galuega 24:15
Mafaufau ki fakamanuiaga kolā ka maua ne koe i aso mai mua māfai e fakalogo koe ki a Ieova! Ka malosi katoatoa tou foitino; e seai se tino e toe masaki io me e gasolo o vāivāi ona ko te matua. Ka se toe ai ne tino ma‵sei, kae ka talitonu eiloa koe ki tino katoa.
Ka se toe ai se logo‵mae, se fanoanoa, io me ne loimata e ‵sali. Se toe ai se tino e gasolo o toeaina io me lomatua kae mate.
Ka ‵kau fakatasi koutou mo ou taugasoa mo tino o tou kāiga. Ka fakafiafia eiloa te olaga i te Palataiso.
Ka se toe ai se tino e mataku. Ka maua eiloa ne tino te fiafia tonu.