MATAUPU 02

E Tuku Mai i te Tusi Tapu se Fakamoemoega

Printed Edition

E fe‵paki a tino e tokouke mo fakalavelave kolā e fai ei latou ke fanoa‵noa, manava‵se, ke oko foki ki te ‵mae. Kai fe‵paki aka eiloa koe mo se tulaga fakalogo‵mae penā? Kāti ko logo‵mae koe i se masaki io me ko te mate o se tino pele. Kae ko fesili ifo koe penei: E mata, e mafai o tai ‵lei atu te olaga? E tuku mai i te Tusi Tapu se tali mautinoa ki te fesili tenā.

1. Se a te fakamoemoega e tuku mai i te Tusi Tapu mō aso mai mua?

E se fakamatala mai fua i te Tusi Tapu a te pogai ko ‵fonu ei te lalolagi i fakalavelave, kae e fakaasi mai foki i ei a te tala ‵lei me i fakalavelave konei e se tumau kae ko pili o fakaseai atu. E mafai ne folafolaga i te Tusi Tapu o tuku atu ki a koutou “a aso mai mua mo se fakamoemoega.” (Faitau te Ielemia 29:11, 12.) E fesoasoani mai a folafolaga konā ke fakafesagai atu tatou ki ‵tou fakalavelave, ke maua se kilokiloga ‵lei, mo te fiafia tumau.

2. Se a te folafolaga i te Tusi Tapu ki aso mai mua?

E fakamatala mai i te Tusi Tapu me “ka se toe ai se mate, ka se toe ai foki se fanoanoa, se ‵tagi io me se ‵mae” i aso mai mua. (Faitau te Fakaasiga 21:4.) A fakalavelave kolā e fakafoliga mai i ei me e seai se aoga o te olaga i aso nei—pelā mo te mativa, faifaiga sē fakamaoni, masaki, mo te mate—ka fakaseai atu katoa. E folafola mai i te Tusi Tapu me ka mafai o ola a tino i te lalolagi palataiso ki te se-gata-mai.

3. E mafai pefea o talitonu koe me ka fakataunu eiloa a folafolaga i te Tusi Tapu?

E fakamoe‵moe a tino e tokouke ke ‵tupu a mea ‵lei, kae e se mafai o mautinoa i a latou me ka fakataunu eiloa olotou fakamoemoega konā. Kae ‵kese a mea e folafola mai i te Tusi Tapu. E mafai eiloa o tali‵tonu tatou ki ei māfai e “suke‵suke malosi tatou ki Tusitusiga Tapu.” (Galuega 17:11) Kafai e sukesuke koe ki te Tusi Tapu, ka mafai o fakaiku aka ne koe me e mafai o talitonu koe io me ikai ki pati i ei e uiga ki aso mai mua.

KELI MALOSI IFO

Iloilo aka a nisi fakanofonofoga kolā e folafola mai i te Tusi Tapu mō aso mai mua. Onoono ki te auala e fesoasoani atu ei a te fakamoemoega i te Tusi Tapu ki tino i aso nei.

Ata valevale: Fakatusatusaga o fakanofonofoga e fe‵paki mo tino i aso nei mo fakanofonofoga e folafola mai i te Tusi Tapu mō aso mai mua. E fakafokifoki atu a ata konā mai lalo.

4. E tuku mai i te Tusi Tapu a te fakamoemoega ki te ola se-gata-mai i fakanofonofoga ‵lei katoatoa

Onoono ki folafolaga kolā e maua i te Tusi Tapu. Ne a folafolaga kolā e ‵gali malosi ki a koe? Kaia?

Faitau ki tusi fai‵tau i tafa o folafolaga konā, kae mafaufau ki fesili konei:

Se a tau faka‵tau, ka aoga ki a koe a tusi fai‵tau konei? E a, ka aoga foki ki ou kāiga mo ou taugasoa?

Mafaufau me ko nofo atu koe i se lalolagi telā

KA SEAI SE TINO . . .	A TINO KATOA . . .
e logo‵mae, vāivāi ona ko te olaga matua, io me mate.—Isaia 25:8.	ka ‵kilo atu ki te faka‵tumaiga o tino pele kolā ne ‵mate i te lalolagi.—Ioane 5:28, 29.
e masaki io me se katoatoa te malosi.—Isaia 33:24; 35:5, 6.	ka malosi ‵lei kae liu talavou.—Iopu 33:25.
e logo‵mae i faifaiga sē fakamaoni. —Isaia 32:16, 17.	ka uke olotou mea‵kai, maua se fale ‵lei, mo se galuega fakafiafia.—Salamo 72:16; Isaia 65:21, 22.
e logo‵mae ona ko taua. —Salamo 46:9.	ka maua te filemu katoatoa.—Salamo 37:11.
e logo‵mae i te mafaufau ki mea ne ‵tupu i aso mua.—Isaia 65:17.	ka ola ki te se-gata-mai i fakanofonofoga ‵gali. —Salamo 37:29.

Se tamaliki ko ‵lei tena masaki kae ‵sai atu ki tena mātua.

Se toeaina ko toe liu talavou kae ūsu atu ne ia te uilipalo e ‵fonu i vesiapolo.

5. E mafai eiloa o fesoasoani mai a folafolaga i te Tusi Tapu

E loto vāi‵vai a tino e tokouke io me kaitaua ona ko fakalavelave e lavea atu ne latou. E taumafai a nisi tino ke ‵fuli te olaga ke tai ‵lei atu. Onoono la ki te auala e fesoasoani atu ei ki tino i aso nei a te folafolaga a te Tusi Tapu me ka ‵lei atu a mea i aso mai mua. Pei te VITIO, ko sau‵tala ei ki fesili konei.

VITIO: Ne Manako Au o Fakagata a Faifaiga sē Fakamaoni (4:07)

Ata valevale: Ne ata mai te vitio ‘Ne Manako Au o Fakagata a Faifaiga sē Fakamaoni.’ 1. Ko Rafika e ga‵lue tasi mo ana tino i se fatoaga ‵vae i te taimi koi foliki ei. 2. Ne fiafia a Rafika ke lavea atu a tino mai telega kese‵kese e fia‵fia fakatasi i te taimi ne kau atu ei a ia ki se fono a Molimau a Ieova mō te taimi muamua.

I te vitio, se a te faifaiga sē fakamaoni ne fakalavelave atu ki a Rafika?
E tiga eiloa ne seki gata atu te faifaiga sē fakamaoni tenā, ne fesoasoani atu pefea te Tusi Tapu ki a ia?

A te folafolaga telā e tuku mai i te Tusi Tapu mō aso mai mua, e mafai o fesoasoani mai ke manumalo tatou i te loto vāivāi kae fakafesagai atu ki fakalavelave mo te manuia. Faitau te Faataoto 17:22 mo te Loma 12:12, ko sau‵tala ei ki fesili konei:

Se a tau faka‵tau, e mafai o fesoasoani atu nei a folafolaga i te Tusi Tapu ki a koe? Kaia?

MEA E FAI MAI NE NISI TINO: “Ko tō ‵gali katoa a folafolaga i te Tusi Tapu ke fakataunu i aso mai mua.”

Se a tau faka‵tau, kaia e tāua ei ke iloilo aka a fakamaoniga?

MANATU AOGA

E fesoasoani mai a folafolaga ‵gali i te Tusi Tapu mō aso mai mua ke mafai o maua ne tatou se fakamoemoega mō se olaga tai ‵lei atu i aso nei.

Fesili

Kaia e ‵tau ei o iloa ne tino a folafolaga a te Atua?
Ne a muna i te Tusi Tapu e uiga ki aso mai mua?
E fesoasoani atu nei pefea a folafolaga e uiga ki aso mai mua?

Taimi ne oti ei te mataupu:

Mea e Mafai o Fai

Fai ke iloa ne koe a folafolaga i te Tusi Tapu mai te faitau ki fuaiupu i te mataupu tenei.

Nisi mea:

Nisi mea e mafai o fai ne koe

NISI FAKAMATALAGA

Fai ke iloa ne koe te auala e mafai ei o fesoasoani atu a folafolaga māfai ko fe‵paki koe mo fakalavelave.

“Fakamoemoega—E Maua ne Koe i Fea?” (Ala Mai!, Apelila 22, 2004)

A te iloa atu o folafolaga mō aso mai mua e mafai o fesoasoani atu ki tino kolā e maua ne masaki tumau.

“Kafai ko Fepaki mo se Masaki Tumau—E Mata, e Mafai o Fesoasoani Mai te Tusi Tapu?” (Mataupu i te neti)

Kafai e onoono koe ki te pese vitio tenei, mafaufau me ko ‵nofo atu koe mo tou kāiga i te lalolagi Palataiso telā ne folafola mai i te Tusi Tapu.

Kilo ki Taimi (3:37)

Faitau ki te auala ne ‵fuli ei te olaga o se tino galue i te fakapotopotoga mo te saolotoga o tino i te taimi ne iloa ei ne ia te folafolaga i te Tusi Tapu mō aso mai mua.

“Ko sē Mafaufau Au ke ‵Fuli ne Au te Lalolagi” (Te Faleleoleo Maluga, Iulai 1, 2013)