TOE ĀSI ATU
MATAUPU 7
Ke mo a ma ‵Fiu
Fakatakitakiga: “Ne tumau eiloa latou i te akoako mo te folafola atu e aunoa mo te ‵fiu a te tala ‵lei.”—Galu. 5:42.
Mea ne Fai ne Paulo
1. Onoono ki te VITIO, io me faitau te Galuega 19:8-10. Kae mafaufau ki fesili konei mai lalo:
a. I lō te taofi o tena galuega ona ko tekemaiga, ne seki ‵fiu pefea a Paulo i te fesoasoani atu ki tino fia‵fia?
e. E fia taimi ne foki sale atu a Paulo o akoako a tino fia‵fia konei, kae pefea te leva ne fai ei ne ia te mea tena?
Se a te Mea e Tauloto ne Tatou Mai i a Paulo?
2. E manakogina a taimi mo taumafaiga ke mafai o fai a toe asiga mo akoga faka-te-Tusi Tapu ma‵goi.
Fakaakoako ki a Paulo
3. Fai a fakama‵fuliga ke fakafetaui mo te manakoga o te suā tino. Fesili ifo ki a koe: ‘Se a te toe taimi ‵lei ke fesokotaki au ki a ia? Se a te taimi mo te koga e ‵lei ke sau‵tala au mo ia?’ Ke loto fiafia o talia so se taimi ke āsi atu, faitalia foki loa me se ‵lei ki a koe.
4. Fai se Fakatokaga. I te fakaotiga o sau‵talaga, taumafai ke fakamautinoa te suā taimi e mafai o toe sau‵tala ei koulua. Kae ke fakamaoni koe ki te fakatokaga tena.
5. Ke se ‵fiu. Ke mo a ma fakaiku aka fakavave ne koe me ko se fiafia te tino ona ko te fakalavelave io me galo sale i te fale. (1 Koli. 13:4, 7) I lō te fai penā, ke tumau i te ‵sala atu ki te tino fiafia kae ke poto foki koe i te fakaaoga faka‵lei ou taimi.—1 Koli. 9:26.