Tino ‵Fou i te Potukau Pule

I TE Aso Ono, i a Oketopa 2, 1999, ne fakaoti te Fono Faka-te-tausaga o te Sosaiete ko te Watch Tower Bible and Tract Society of Pennsylvania i se faka‵pulaga fakapoi. Ne fia‵fia malosi a tino e toko 10,594 kolā ne ‵kau atu ki ei io me ne fakalogo‵logo ki ei i te tala me e tokofa tino ‵fou ko fakaopoopo atu nei ki te Potukau Pule o Molimau a Ieova. A tino ‵fou konā, ne Kelisiano fakaekegina katoa, ko Samuel F. Herd; M. Stephen Lett; Guy H. Pierce; mo David H. Splane.

• Ne kamata o paenia Samuel Herd i te 1958, kae mai te 1965 ki te 1997, ne galue ei a ia pelā me se toeaina asiasi. Fakamuli ifo i ei, ne fai laua mo tena avaga, ko Gloria, mo fai se vaega o te kāiga Peteli i te Iunaite Sitete, kae ne galue sāle te taina ko Herd i te matagaluega ko te Service Department. Ne fesoasoani atu foki a ia ki te komiti ko te Service Committee.

• Ne kamata o paenia a Stephen Lett i a Tesema, i te 1966, kae mai i te 1967 ki te 1971, ne galue ei a ia i te Peteli i te Iunaite Sitete. I a Oketopa i te 1971, ne avaga laua mo tena avaga, ko Susan, kae ne ga‵lue laua pelā me ne paenia fakapito. Mai i te 1979 ki te 1998, ne fai a ia mo fai se toeaina asiasi. Talu mai i a Apelila i te 1998, ne fai laua mo Susan mo fai se vaega o te kāiga Peteli i te Iunaite Sitete. Ne galue a ia i konā i te matagaluega ko te Service Department kae ne fesoasoani atu a ia ki te komiti ko te Teaching Committee.

• Ko oti ne puti aka ne Guy Pierce mo tena avaga lā tama‵liki kae ne kamata o paenia laua i a Apelila i te 1982. Ne galue a ia pelā me se toeaina asiasi mai i te 1986 ki te 1997, kae i te tausaga tenā ne fai ei laua mo tena avaga ko Penny mo fai ne vaega o te kāiga Peteli i Brooklyn. Ne fesoasoani atu te taina ko Pierce ki te komiti ko te Personnel Committee.

• Ne kamata o paenia a David Splane i a Setema i te 1963. Ne pasi a ia i te 42 o vasega o Kiliata, kae ne galue fakamisionale a ia i Senegal, i Afelika, kae fakamuli ifo ne fai a ia mo fai se toeaina asiasi i tausaga e 19 i Kanata. Ne ga‵lue laua mo tena avaga, ko Linda, i te Peteli i te Iunaite Sitete talu mai te 1990, kae ne galue i konā a te taina ko Splane i te avā matagaluega ko te Service mo te Writing. Talu mai te 1998, ne fai foki a ia mo fai se tino fesoasoani i te komiti ko te Writing Committee.

E se gata i tino ‵fou konā, ko ga‵lue fakatasi nei latou mo tino konei i te Potukau Pule ko C. W. Barber, J. E. Barr, M. G. Henschel, G. Lösch, T. Jaracz, K. F. Klein, A. D. Schroeder, L. A. Swingle, mo D. Sydlik. E talosia ke fakamanuia kae fakamalosi atu faeloa a Ieova ki te Potukau Pule, telā ko tai momea aka te tokouke o tino i ei, i te lotou tausiga o galuega a tino o te Atua i te lalolagi kātoa mo te taviniatuga ki olotou manakoga faka-te-agaga.