Se Sui Fou o te Potukau Pule

I te taeao o te Aso Tolu, i a Setema 5, 2012, ne fai ei te faka‵pulaga ki te kāiga Peteli i te Iunaite Sitete mo Kanata me e isi se sui fou o te Potukau Pule o Molimau a Ieova. Ne kamata i a Setema 1, 2012, o galue a Mark Sanderson i te tulaga tenā.

A te Taina ko Sanderson ne puti aka ne ana mātua Kelisiano i San Diego, California, U.S.A., kae ne papatiso i a Fepuali 9, 1975. Ne kamata tou tagata o paenia i Saskatchewan, Kanata, i a Setema 1, 1983. I a Tesema 1990, ne oti mai a ia i te fitu o vasega o te Akoga Fakamasani mō Faifeau (ko taku nei ko te Akoga Faka-te-Tusi Tapu mō Taina Seki A‵vaga) i te Iunaite Sitete. Ne ‵tofi aka a te Taina ko Sanderson ke galue pelā me se paenia fakapito i te fenua ko Newfoundland, Kanata, i a Apelila 1991. Mai tua o te taviniga e pelā me se ovasia fesoasoani o te fenua, ne ‵kami a ia ke fai mo fai se tino o te kāiga Peteli o Kanata i a Fepuali 1997. I a Novema 2000, ne ave ei a ia ki te ofisa lagolago i te Iunaite Sitete, telā ne galue ei a ia i te Matagaluega mō Fakaimasaki kae fakamuli ifo, ko galue a ia i te Matagaluega mō te Galuega Talai.

I a Setema 2008, ne kau a te Taina ko Sanderson ki te Akoga mō Sui o te Komiti o te Ofisa Lagolago kae fakamuli ifo, ne ‵tofi tou tagata mo fai se sui o te Komiti o te Ofisa Lagolago o Filipaina. I a Setema 2010, ne ‵kami ei a ia ke toe foki ki te Iunaite Sitete, tenā ne galue ei a ia e pelā me se tino fesoasoani ki te Komiti o te Galuega Talai o te Potukau Pule.