A Te “Taimi Tonu” Ko Pili Mai — FATATUSI I TE ITANETI a te Faleleoleo Maluga

A Te “Taimi Tonu” Ko Pili Mai

E PELĀ mo te pelofeta ko Sapakuka, ne olioli malosi eiloa a soko o Iesu ke lavea atu a te fakaseaiga o logo‵maega. Ona ko te mea ko iloa ne latou me i te Malo o te Atua ka faka‵lei ne ia a fakalavelave i te lalolagi, telā ne fesili atu ei latou ki a Iesu, penei: “Fakaasi mai ki a matou me e fakataunu afea a mea konei? Ne a foki a fakailoga e iloa ei tou foki mai mo te gataga o te lalolagi?” (Mataio 24:3) I tena tali, ne fai atu a Iesu me ko Ieova fua te Atua e iloa ne ia te taimi tonu telā ka pule katoatoa mai ei te Malo ki te lalolagi nei. (Mataio 24:36; Maleko 13:32) E se gata i ei, ne ‵valo mai foki ne Iesu mo nisi tino a nisi mea kolā e ‵tau o ‵tupu kae e fakaasi mai i ei me ko pili mai te aso tenā.—⁠Ke onoono ki te pokisi i te feitu fakaatamai.

E mata, e se lotomalie koe ki te manatu me ko ‵tupu eiloa a mea konei i ‵tou aso nei? Ne folafola mai ne Iesu me i te galuega ko te akoako atu o tino ka fai i te lalolagi kātoa. Ne fai mai a ia: “A te Tala ‵Lei tenei e uiga ki te Malo, e fakamatala atu ki te lalolagi kātoa, mo fai te molimau ki tino katoa; ko oko mai ei te gataga.”—Mataio 24:14.

Tenā loa te mea e tupu i te vaitaimi tenei. E fai nei ne Molimau a Ieova a te galuega tenā. I fenua e 236, e silia atu mo te fitu miliona o Molimau a Ieova e fai atu ne latou ki tino, a mea ka fai ne te Malo, kae e fesoasoani atu foki ke fakafetaui aka olotou olaga ki tulafono amio‵tonu a te Atua, telā e loto ke fakaseai atu a logo‵maega mo te ‵mae. Ke tumau faeloa i te tauloto ki mea e uke atu e uiga ki te Malo o te Atua, kae ka maua ne koe te tauliaga gali ke ola i se lalolagi e aunoa mo logo‵maega—ki te se-gata-mai.

[Ata i te itulau e 8]

Tusi Siki Kolā e Fakasino Atu ki Aso Fakaoti

MATAIO 24:6, 7; FAKAASIGA 6:4

• Taua ‵lasi kae ‵tu kese

MATAIO 24:7; MALEKO 13:8

• Mafuie ‵lasi

• Oge meakai

LUKA 21:11; FAKAASIGA 6:8

• Famai

MATAIO 24:⁠12

• Te gasoloakaga o amioga ma‵sei

• Seai se alofa