Te Munatonu e Uiga ki te Malo o te Atua
Ne akoako ne Iesu ana soko ke ‵talo, penei: “Te motou Tamana telā i te lagi, ke tapu tou igoa. Ke oko mai tou Malo. Ke fai te mea e loto koe ki ei i te lalolagi nei e pelā mo te faiga i te lagi.” (Mataio 6:9, 10) Se a te Malo o te Atua? Ne a mea ka fai ne te Malo tenā? Kae kaia e tau ei o ‵talo tatou e uiga ki ei?
A Iesu ko te Tupu i te Malo o te Atua.
Luka 1:31-33: “Ke fakaigoa ne koe a ia ki a Iesu. A ia tenei ka fai mo fai se tino sili kae ka taku a ia ko te Tama a te Atua Tafasili i te Maluga, kae ka tuku atu ne Ieova te Atua ki a ia te nofogaaliki o Tavita, tena tamana, kae ka pule a ia e pelā me se Tupu i te kāiga o Iakopo ki te se-gata-mai, kae ka seai se gataga o tena Malo.”
A te Malo ko te matua tāua o te galuega talai a Iesu.
Mataio 9:35: “Ne faimalaga atu a Iesu i fakai ‵lasi mo fakai fo‵liki katoa, o akoako atu i olotou sunako kae talai atu te tala ‵lei o te Malo kae faka‵lei a vaegā masaki katoa.”
Ne tuku atu ne Iesu ki ana soko se fakailoga ke fesoasoani atu ke iloa ne latou te taimi ka pili o oko mai ei te Malo.
Mataio 24:7: “Me ka fai taua te suā atufenua ki te suā atufenua mo te suā malo ki te suā malo, kae ka oko mai a oge meakai mo mafuie ki koga katoa.”
Ko talai atu nei ne soko o Iesu a te Malo ki te lalolagi kātoa.
Mataio 24:14: “Kae ko te tala ‵lei tenei o te Malo ka talai atu ki te lalolagi nofoaki kātoa mo fai se molimau ki atufenua katoa, ko oko mai ei te gataga.”