Te Malo o te Atua—Se a te Mea Tenā?
E tokouke a tino e ‵talo ke oko mai te Malo o te Atua, kae kai mafaufau aka loa koe me se a te Malo o te Atua mo mea ka fai ne ia?
MAFAUFAU KI PATI MAI TE TUSI TAPU:
Se a te Malo o te Atua?
Se pulega mai te lagi telā ko Iesu Keliso te Tupu i ei.—Isaia 9:6, 7; Mataio 5:3; Luka 1:31-33.
Ne a mea ka fai ne te Malo o te Atua?
Ka fakaseai ne ia a mea ma‵sei katoa kae fai ke maua ne tino i te lalolagi a te filemu tumau. —Tanielu 2:44; Mataio 6:10.
Se a te mea e fakauiga ki ei a te ‵sala muamua ki te Malo?
E fakauiga ki te ‵lago atu ki te Malo o te Atua mo te talitonu me tenā fua te mea ka ‵fuli ne ia a tulaga i te lalolagi ke fetaui mo te loto o te Atua.—Mataio 6:33; 13:44.